வீரம் படத்தை தொடர்ந்து நடிகர் அஜீத் நடிப்பில் நேற்று வெளியாகி இருக்கும் படம் என்னை அறிந்தால்.
கவுதம் மேனன் இயக்கத்தில், ஹரீஸ் ஜெயராஜ் இசையமைப்பில் உருவாகி இருக்கும் இந்த படத்தில் அஜீத்துக்கு ஜோடியாக திரிஷாவும், அனுஷ்காவும் நடித்துள்ளனர். ரசிகர்களின் மிகுந்த எதிர்ப்பார்ப்புகளுக்கிடையே இப்படம் நேற்று வெளியானது. எதிர்ப்பார்த்தை போன்றே இப்படம் ரசிகர்களிடையே நல்ல வரவேற்பை பெற்று வருகிறது.
அஜீத்தின் தீவிர ரசிகரான சிம்பு இப்படம் குறித்து சமூக வலைதளத்தில் தனது கருத்தை தெரிவித்துள்ளார். அதில், மனநலம் பாதிக்கப்பட்டவர்கள் மட்டுமே என்னை அறிந்தால் திரைப்படத்தை குறை கூறுவார்கள் என்று தெரிவித்துள்ளார். மேலும் வெகு நாட்களுக்கு பிறகு ஒரு நல்ல படம் வெளியாகியுள்ளது.அஜீத் இப்படத்தில் அருமையாக நடித்துள்ளார் என்றும் அவர் தெரிவித்துள்ளார்.
|