|
ஜூலை 31:
15 வயதாகும் பள்ளிச் சிறுமியான ரூடா மெய்லுடைடி மகளிர் 100 மீட்டர் ஃபிரெஸ்ட் ஸ்ட்ரோக் நீச்சல் போட்டியில் முதல் இடத்தைப் பிடித்தார். இதன் மூலம் ஒலிம்பிக் நீச்சல் போட்டியில் 40 ஆண்டுகளாக இருந்த சாதனையை அவர் முறியடித்தார். மிகச்சரியாக 15 ஆண்டுகள் 133 நாள்களில் தங்கம் வென்று சாதனை படைத்துள்ளார் ரூடா. இதன் மூலம் இந்த ஒலிம்பிக்கில் லிதுவேனியாவுக்கு முதல் பதக்கத்தை அவர் பெற்றுத் தந்துள்ளார்.1 நிமிடம் 5.47 விநாடிகளில் அவர் இலக்கை எட்டினார். நீச்சலில் உலக சாம்பியனான அமெரிக்காவின் ரெபேக்கா சோனியை அவர் பின்னுக்குத் தள்ளினார். ரெபேக்கா 1 நிமிடம் 5.55 விநாடிகளில் இலக்கை எட்டினார். ஐப்பானின் சாடோமி வெண்கலம் வென்றார். வடக்கு ஐரோப்பிய நாடான லிதுவேனியா சார்பில் பங்கேற்றாலும், கடந்த இரு ஆண்டுகளாக ரூடா, பிரிட்டனில் வசித்து வருகிறார். லிதுவேனியா சார்பில் நீச்சலில் பங்கேற்ற ஒரே வீராங்கனையும் அவர்தான்.
|
