கடந்த 2008 ம் ஆண்டு சசிகுமார் இயக்கத்தில், ஜெய், சசிகுமார், சமுத்திரகனி ஆகியோர் நடிப்பில் வெளிவந்து வெற்றி பெற்ற படம் தான் சுப்ரமணியபுரம். 1980-களில் உள்ள காதல் கதையை மையமாக வைத்து எடுக்கப்பட்ட இந்த படத்தில் ஜெய்க்கு ஜோடியாக சுவாதி நடித்திருந்தார்.
தற்போது இதே கூட்டணியில் மற்றொரு படம் உருவாக இருக்கிறது. இந்த படத்தை வசந்த மணி என்கின்ற புதிய இயக்குனர் இயக்க இருக்கிறார். இவர் ‘ஜில்லா’ படத்தை இயக்கிய நேசனனின் உதவியாளர் ஆவார். சிறு நகர் பின்னணியில் இப்படத்தின் கதை உருவாக்கப்பட்டுள்ளதாக தகவல் வெளியாகியுள்ளது. இப்படத்தில் சமுத்திரகனி, ஜெய், சசிகுமார் ஆகியோர் நடிக்க இருக்கின்றனர்.
மேலும், இப்படத்தில் நடிக்கும் பிற நடிகர், நடிகைகள் மற்றும் தொழில் நுட்ப கலைஞர்களின் பட்டியல் விரைவில் வெளியாகும் என எதிர்பார்க்கப்படுகிறது.
|