டிவிட்டரில் சமீபத்தில் இணைந்த சூர்யா புதுப் புது பதிவுகளை போடதுவங்கியுள்ளார். கடந்த வியாழக்கிழமை அன்று, ஹாலிவுட் நடிகர் ஒருவரின் மீசையை மட்டும் காப்பி அடித்ததைப் பற்றிய ஒரு பதிவைப் போட்டிருந்தார்.
சிங்கம்புலி இயக்கத்தில் சூர்யா, ஜோதிகா நடித்து பாலா தயாரிப்பில் பத்து வருடங்களுக்கு முன்பு வெளிவந்த படம் மாயாவி. இந்தப் படத்தில் சூர்யா பென்சிலால் வரைந்தது போன்ற மீசையைத்தான் வைத்திருப்பார். அந்த மீசை ஹாலிவுட் நடிகரான கிளார்க் கேபிள் மீசையிலிருந்து காப்பியடிக்கப்பட்டதுதான் என்ற தகவலை சூர்யாவே வெளியிட்டிருக்கிறார். மாயாவி படம் வெற்றி பெறவில்லையென்றாலும், சூர்யாவின் சிறந்த படங்களில் ஒரு படமாகவே அமைந்தது.
பத்து வருடங்கள் எப்படி ஓடியது என்றே தெரியவில்லை. பாலா அண்ணா தயாரித்த முதல் படத்தில் நான் நாயகனாக நடித்தேன். பத்து வருடங்கள் கழித்து இப்போது நான் தயாரிப்பாளராக மாறியிருக்கிறேன், என சூர்யா மேலும் குறிப்பிட்டுள்ளார்.
|