நான் ஈ படத்தை இயக்கிய எஸ்.எஸ்.ராஜமௌலி பிரமாண்டமாக இயக்கி வரும் தெலுங்கு படம் பாகுபாலி.
இந்த படத்தில் பிரபாஸ் நாயகனாகவும் அனுஷ்கா நாயகியாகவும் நடிக்கின்றனர். மேலும் இவர்களுடன் ராணா, சத்யராஜ், கோபிசந்த், ரம்யா கிருஷ்ணன் ஆகியோர் நடிக்கிறார்கள். படத்தில் பிரபாஸ் இரு வேடங்களில் நடிக்கிறார். ஏற்கெனவே ஒரு வேடத்துக்கு ஜோடியாக நடிக்க அனுஷ்கா ஒப்பந்தமாகி நடித்து வரும் நிலையில் பிரபாஸின் இரண்டாவது கேரக்டருக்கு ஜோடியாக நடிக்க தமன்னா ஒப்பந்தமாகியுள்ளாராம். அவர், முக்கிய கேரக்டரான அவந்திகா என்ற இளவரசி கதாபாத்திரத்தில் நடிக்கிறார். இந்த படம் தமிழ், தெலுங்கு, மலையாளம், இந்தி மற்றும் ஆங்கிலம் என ஐந்து மொழிகளில் தயாராகி வருகிறது.
|