|
|||||
இ-முன்னேற்றம்,தகவல் தொழில்நுட்ப நண்பன் மற்றும் இரு தமிழ் மென்பொருள்கள் முதல்வரால் தொடங்கி வைக்கப்பட்டன. |
|||||
இ-முன்னேற்றம்,தகவல் தொழில்நுட்ப நண்பன் மற்றும் இரு தமிழ் மென்பொருள்கள் முதல்வரால் தொடங்கி வைக்கப்பட்டன. 'இ- முன்னேற்றம்', 'தகவல் தொழில்நுட்ப நண்பன்' என்ற இரு இணையதளங்கள் மற்றும் தமிழ் மென்பொருள்களான 'கீழடி-தமிழ் இணைய விசைப்பலகை',' தமழி-தமிழிணைய ஒருங்குறி மாற்றி' ஆகியவை முதல்வர் அவர்களால் தொடங்கி வைக்கப்பட்டுள்ளன. இ-முன்னேற்றம் என்ற இணையதளத்தின் மூலம் அரசின் திட்டங்கள் முறையாக கண்காணிக்கப்பட உள்ளன. திட்டத்தின் விவரங்கள், பணி ஒப்பந்தம், தொடங்கப்பட்ட நாள், நடைபெறும் இடம், நிதிநிலைமை, மாதாந்திர வளர்ச்சி உள்ளிட்ட விவரங்கள், புகைப்பட விவரம் ஆகியவை இந்த இணையதளத்தில் இனி பதிவேற்றப்படும்.அதேபோல் தகவல் 'தொழில்நுட்ப நண்பன்' என்ற இணையதளம் தகவல் தொழில் நுட்பவியல் தொழில் குறித்த கருத்து கேட்பு தளமாக விளங்கும். மேலும் தொழில்நுட்பம் சார்ந்த குழுமங்கள் இணைந்து இதில் கொள்கைகளை உருவாக்க இயலும். கொள்கைகள், கருத்துகள் ஆகியவற்றை மின்னஞ்சல் மூலமாக பெறவும் முடியும். இவற்றை தமிழ்நாடு மின் ஆளுமை முகமை உருவாக்கியுள்ளது. தமிழ் இணைய கல்விக் கழகத்தால் வெளியிடப்பட்ட 'கணினி விசைப்பலகை' மற்றும் 'தமிழ் இணைய ஒருங்குகுறி மாற்றி' ஆகிய இரு தமிழ் மென்பொருள்கள் 'கீழடி- தமிழ் இணைய விசைப்பலகை' மற்றும் 'தமிழி-தமிழிணைய ஒருங்குறி மாற்றி' என புதிய வசதிகளுடன் வழங்கப்பட உள்ளன. கீழடி விசைப்பலகை, தமிழி 99 விசைப்பலகை, ஒலிபெயர்ப்பு விசைப்பலகை,பழைய தட்டச்சு விசைப் பலகை ஆகிய மூன்றுவித கணினி விசைப் பலகைகளின் ஒருங்கமைவாக இருக்கும்.'தமிழி-தமிழிணையஒருங்குறி மாற்றி' மென்பொருள் தட்டச்சு செய்யப்பட்ட உரைநடை, கோப்பு, ஆவணங்களை தேவைக்கு ஏற்ப மாற்ற உதவும் ஒன்றாகும். இந்த இரு தமிழ் மென்பொருள்களை இலவசமாக தமிழ் இணையக் கல்விக்கழக இணையதளத்தில் இருந்து பதிவிறக்கம் செய்து பயன்படுத்தலாம். இம்முயற்சி மிக பயனளிக்கக்கூடிய ஒன்று என்றும் அரசாங்கத்திற்கும் பொதுமக்களுக்கும் அலுவலகம் தொடர்பான நடைமுறைகளை அடுத்த கட்டத்திற்கு கொண்டு செல்லும் என்றும் இம்மென்பொருட்கள் குறித்து தமிழறிஞர்கள் கருத்து தெரிவித்துள்ளனர். |
|||||
by R.Gnanajothi on 24 Oct 2021 0 Comments | |||||
கருத்துகள் | |
|
உங்கள் கருத்துகள் பதிவு செய்ய | ||
|