முதலமைச்சருக்கான பொருளாதார ஆலோசனைக் குழு, பங்கேற்க இருக்கும் உறுப்பினர்கள்

முதலமைச்சருக்கான பொருளாதார ஆலோசனைக் குழு, பங்கேற்க இருக்கும்  உறுப்பினர்கள்

தமிழக அரசுக்கும்,முதல்வர் ஸ்டாலின் அவர்களுக்கும் ஆலோசனை வழங்கும் வல்லுனர் குழு அமைக்கப்படும் என்று ஆளுநர் பன்வாரிலால் புரோகித்  அறிவித்துள்ளார்.பதினாறாவது சட்டசபை கூட்டத்தொடரில் தன் உரையின் போது இதனை ஆளுநர் தெரிவித்துள்ளார்.

தமிழ்நாடு அரசின் பல்வேறு திட்டங்கள் மற்றும் அறிவிப்புகளை தன் உரையில் தெரிவித்த ஆளுநர் இந்நிபுணர் குழு திட்டம் குறித்தும் கூறியிருக்கிறார்.

இந்திய ரிசர்வ் வங்கியின் முன்னாள் ஆளுநர் ரகுராம் ராஜன் அவர்கள் தலைமையில் அமைகிறது இக்குழு. தமிழ்நாட்டின் பொருளாதார வளர்ச்சி மந்தநிலையில் இருப்பதாகவும் அதனை மாற்றுவதற்கான முயற்சிகளை அரசு மேற்கொள்ளும் என்று கூறிய ஆளுநர் பொருளாதார முன்னேற்றத்தை ஏற்படுத்துவதற்கான ஆலோசனைகளை வழங்கிட முதலமைச்சருக்கான பொருளாதார ஆலோசனைக் குழு அமைக்கப்படுவதாக தெரிவித்தார்.

நோபல் பரிசு பெற்ற, அமெரிக்காவின் மசாசூசெட்ஸ் தொழில்நுட்பக் கழகத்தின் பேராசிரியர் எஸ்தர் டஃப்லோ, இந்திய ரிசர்வ் வங்கியின் முன்னாள் ஆளுநர் மற்றும் பேராசிரியர் ரகுராம் ராஜன், ஒன்றிய அரசின் முன்னாள் தலைமை பொருளாதார ஆலோசகர் அரவிந்த் சுப்பிரமணியன், பொருளாதார நிபுணர் ஜான் ட்ரீஸ்,முன்னாள் ஒன்றிய நிதிச் செயலாளர் எஸ்.நாராயணன் ஆகியோர் இக்குழுவில் இடம் பெறுவார்கள் என அறிவிக்கப்பட்டுள்ளது.

இவர்கள் தனித்துவமான திறனை நிதித்துறையில் நிரூபித்தவர்கள் என்பது குறிப்பிடத்தக்கது.