தமிழைத் தமிழாய் பேசுவோம்! கையேடு

இதன் தேவை தெரிந்தாலும், இதை நடைமுறைப்படுத்தி வெற்றிகாண உரிய உத்திகளை வகுப்பதில் தொடர்ந்து கலந்துரையாடி, இந்த முக்கிய அமைப்பின் தலைமைப்பொறுப்பை உரியவர் ஏற்று தொடர்ந்து செயலாற்றவேண்டும் என்ற இலக்கில் தேடிவந்தோம்.  இதற்கு பொருத்தமான ஆளுமையாக நமக்குக் கிடைத்தவர் கடனாவில் வசிக்கும் பேராசிரியர் முனைவர். இரா.செல்வகுமார்.  தூய தமிழ் ஆர்வலர், உலகம் அறிந்த தூய தமிழ் பற்றாளர், இதே சிந்தனையில் தொடர்ந்து இயங்குபவர். 

அமைப்பு தொடங்கப்பட்டுவிட்டது, செயல்திட்டங்கள் முடிவுசெய்யப்பட்டுவிட்டன , தலைமைபொறுப்பு  , தமிழறிஞர்களைக் கொண்ட கருத்துரைஞர் குழு, தன்னார்வக் குழுவினர் அடையாளம் காணப்பட்டுவிட்டனர், அடுத்து செயலில் இறங்கவேண்டியதுதான்..

முதல் அடியாக,  இன்று தமிழர்களின் பயன்பாட்டில் உள்ள ஆங்கில, பிறமொழி வாக்கியங்களைத் தொகுத்து அதற்கு இணையான பயன்பாட்டுத் தமிழ் வாக்கியங்களை சேர்த்து ஒரு கையேடு உருவாக்குதல். இதுவே , இந்த மூன்று முதல் ஆறு மாத கால பயிற்சியின் கையேடாக அமையும்.

நண்பர்களே, நீங்கள் தமிழில் பேசும்போது இந்த வார்த்தை, இந்த வாக்கியம் அதிகம் ஆங்கிலம், பிறமொழியில் வந்துவிடுகிறது என்று நினைப்பவற்றை, பிறர் பேசும்போது தமிழ் பேசுவதாக நினைத்து இப்படி ஆங்கிலம் கலந்து பேசுகிறார்களே என்று உணர்த்தவற்றை கீழ்காணும் சுட்டியில் சேர்க்கவும்.  இணையான தமிழ்வார்த்தை தெரியாவிட்டால் விட்டுவிடவும்.  

நாம் பயன்பட்டு வார்த்தைகளுடன் விரைவில் ஒரு கையேடு வெளியிட்டு, அடுத்ததாக பயிற்சி வகுப்புகளை உலகெங்கும் தமிழர்கள் வாழும் நாடுகளில் தன்னார்வ முயற்சியாக அவரவர் எடுக்க பயிற்றுநரை பயிற்றுவிக்கும் திட்டம் வகுக்கப்பட்டுள்ளது.

நம் அன்றாட பயன்பாட்டில் உள்ள பிறமொழி வார்த்தைகளை, வாக்கியங்களை இங்கே சேர்க்கவும்.
https://docs.google.com/forms/d/e/1FAIpQLSecVmD_Pk8micSMvKS-u75AGgWV73XHRcpVOi6Zcd5laXikGw/viewform?usp=sf_link
பேரன்புடன், 
தமிழைத் தமிழாய் பேசுவோம் இயக்கம்,
மின்னஞ்சல்: thamizhaaipesu.valaitamil@gmail.com  
இணையம் :https://thamizhaaipesu.valaitamil.com/