கல்வெட்டு எழுத்துகளில் திருக்குறள் பேரா. கிப்ட் சிரோமணி, கோவிந்தராசு, சந்திரசேகரன்

இந்த நூல், திருக்குறளை வெவ்வேறு கல்வெட்டு எழுத்துகளில் எழுதி மாற்றி அச்சிட்டிருக்கிறது. திருவள்ளுவர் எந்த எழுத்தைப் பயன்படுத்தியிருப்பார் என்று தெரியாது. அவர் எழுதிய ஓலைச்சுவடிகள் இத்தனை நூற்றாண்டுகள் கழித்து நமக்குக் கிடைக்கும் வாய்ப்பே இல்லை. (அப்துல் கலாம் அந்தச் சுவடிக்கு உள்ள தெய்வீகத் தன்மையால் உயிர்ப்புடன் இருந்திருக்கும் என்று ஒரு முறை சொன்னதாக நினைவு). நமக்குக் கிடைத்த திருக்குறள் சுவடிகள் கடந்த சில நூற்றாண்டுகளுக்கு முன்பு எழுதப்பட்டவை. அவை பெரியார் - மகோரா சீர்திருத்த எழுத்துக்கு முந்தைய மரபெழுத்துகளில் எழுதப்பட்டன. அவற்றுள் சில வீரமாமுனிவரின் சீர்திருத்தத்தையும் முற்றிலும் எடுத்துக் கொள்ளாமல், சில இடங்களில் மெய்யெழுத்துகளுக்குப் புள்ளியிட்டும் சில இடங்களில் விடாமலும், ரகரத்தையும் துணைக்காலையும் வேறுபடுத்தாமலும், எழுதப்பட்டவை.

 

இந்த நூலில் உள்ள சில பக்கங்களைப் பகிர்ந்து பல்லாயிரம் ஆண்டுகளுக்கு முன்பே திருவள்ளுவர் எழுதிய ஏட்டுச்சுவடி கிடைத்து விட்டதாக வரும் கட்டுக்கதை யாரோ நகைச்சுவைக்காகவோ, எள்ளலாகவோ, ஏமாற்றாகவோ இட்டுக்கட்டியதாக இருக்கலாம். அதைப் பரப்புபவர்களில் பெரும்பாலோர் அது கட்டுக்கதை என்று தெரியாமல் பரப்புபவர்கள்.

 

-மணி மணிவண்ணன்