விரைவில் மொபைல் போன்களில் வழங்கப்படும் இணையதள சேவைக்கு குறைந்தபட்ச இணைப்பு வேகம் ட்ராய் அமைப்பால் நிர்ணயிக்கப்பட உள்ளது.
செல்போன்களில் இணைய வேகம் மிகவும் குறைவாக இருப்பதாக அந்த பயனாளர்களிடம் இருந்து ஏராளமான புகார்கள் ட்ராய் அமைப்புக்கு கிடைத்துள்ளது. இதனை அடுத்து மொபைல் இணையதள சேவைக்கு குறைந்தபட்ச வேகத்தை நிர்ணயிக்கும் முடிவை தொலைத் தொடர்பு வழிகாட்டு ஆணையமான ட்ராய் அமைப்பு எடுத்துள்ளது.
தற்போது 3ஜி சேவை தரும் நிறுவனங்கள் குறைந்தபட்சம் 7.1 மெகா பிட் வேகத்திலான சேவை தருவதாக கூறுகின்றன. இதன்படி பார்த்தால் ஒரு திரைப்படத்தை 12 முதல் 14 நிமிடங்களில் பதிவிறக்கம்(டவுன்லோட்) செய்ய முடியும். ஆனால் இன்றைய நிலையில் இதற்கு 40 நிமிடங்களாவது ஆகிறது என்பது குறிப்பிடத்தக்கது.
|