|
||||||||
27 நட்சத்திரக்காரர்கள் வழிபட வேண்டிய திருக்கோயில்கள் |
||||||||
நட்சத்திரங்கள் 27 என்பது நான் அனைவரும் தெரிந்ததே. இந்நிலையில் ஒவ்வொரு நட்சத்திரங்களுக்கும் ஒரு கோயில் உண்டு. அவரவர் நட்சத்திரத்திற்கு உரிய கோயிலை வழிபட்டால் எண்ணற்ற நல்வாழ்வைப் பெறலாம். இதன் அடிப்படையில் 27 நட்சத்திரத்திற்கு உரிய கோயில்களைப் பற்றி இங்குத் தெரிந்து கொள்ளலாம்.
அஸ்வினி : பிறவி மருந்தீஸ்வரர் திருக்கோவில். இந்த ஆலயம் திருத்துறைப்பூண்டியிலிருந்து மேலும் ஒரு கிலோமீட்டர் தொலைவில் இருக்கிறது.
பரணி : அக்னீஸ்வரர் திருக்கோவில். இந்த ஆலயம் மயிலாடுதுறை அருகில் உள்ள நல்லாடை என்ற ஊரில் உள்ளது.
கார்த்திகை : காத்திர சுந்தரேஸ்வரர் திருக் கோவில். மயிலாடுதுறையிலிருந்து பூம்புகார் செல்லும் வழியில் 8 கிலோமீட்டர் தூரத்தில் உள்ளது.
ரோகிணி : பாண்டவ தூதப் பெருமாள் திருக்கோவில். காஞ்சீபுரம் ஏகாம்பரேஸ்வரர் கோவில் எதிரில் உள்ள சாலையில் அமைந்துள்ளது.
மிருகசீரிஷம் : ஆதிநாராயணப் பெருமாள் திருக்கோயில். தஞ்சாவூர்-திருவாரூர் சாலையில் 50 கிலோமீட்டர் தூரத்தில் முகூந்தனூர் என்ற ஊரில் உள்ளது.
திருவாதிரை : அபய வரதீஸ்வரர் திருக்கோயில். இது அதிராம்பட்டினத்தில் உள்ளது.
புனர்பூசம் : அதிதீஸ்வரர் திருக்கோவில். இது பழைய வாணியம்பாடியில் அமைந்துள்ளது.
பூசம் :அட்சய புரீஸ்வரர் திருக் கோவில். பட்டுக்கோட்டையிலிருந்து ராமேஸ்வரம் செல்லும் கிழக்குக் கடற்கரைச் சாலையில் விளங்குளம் என்ற ஊரில் உள்ளது,
ஆயில்யம் : கடற்கடேஸ்வரர் ஆலயம். கும்பகோணத்திலிருந்து சூரியனார் கோவில் செல்லும் சாலையில் உள்ளது
மகம் : மகா லிங்கேஸ்வரர் திருக்கோவில். திண்டுக்கல்லிலிருந்து நத்தம் செல்லும் சாலையில் 12 கிலோ மீட்டர் தூரத்தில் விராலிப்பட்டி விளக்கு என்ற ஊரில் உள்ளது.
பூரம் : ஸ்ரீஹரி தீர்த்தேஸ்வரர் திருக்கோவில். திருவரங்குளம் என்ற ஊரில் உள்ளது.
உத்தரம் : மாங்கல்யேஸ்வரர் திருக்கோவில். இடையாற்று மங்கலம் என்ற ஊரில் உள்ளது.
அஸ்தம் : கிருபா கூபாரேச்வரர் திருக்கோவில். இந்த ஆலயம் கோமல் என்ற ஊரில் உள்ளது.
சித்திரை : சித்திர ரத வல்லப பெருமாள் திருக் கோவில். மதுரையிலிருந்து 23 கிலோமீட்டர் தூரத்தில் உள்ள குருவித்துறையில் உள்ளது.
சுவாதி : தாத்திரீஸ்வரர் திருக்கோயில். சித்துக்காடு என்ற ஊரில் உள்ளது.
விசாகம் : முத்துக்குமாரசாமி திருக்கோயில். மதுரையிலிருந்து 155 கிலோமீட்டர் தொலைவில் உள்ள திருமலைக் கோவிலில் உள்ளது.
அனுஷம் : மகாலட்சுமிபுரீஸ் வரர் திருக்கோவில். இந்த ஆலயம் திருநின்றியூர் என்ற ஊரில் உள்ளது.
கேட்டை : வரதராஜ பெருமாள் திருக்கோயில். தஞ்சாவூரிலிருந்து கும்பகோணம் செல்லும் சாலையில் 13 கிலோ மீட்டர் தூரத்தில் பசுபதி கோயிலில் உள்ளது.
மூலம் : சிங்கீஸ்வரர் திருக்கோவில். இந்த ஆலயம் மப்பேடு என்ற ஊரில் உள்ளது.
பூராடம் : ஆகாசபுரீஸ்வரர் திருக்கோவில். இந்த ஆலயம் கடுவெளி என்ற இடத்தில் இருக்கிறது.
உத்திராடம் : பிரம்மபுரீஸ்வரர் திருக்கோவில். இந்த ஆலயம் பூங்குடி என்ற திருத்தலத்தில் உள்ளது.
திருவோணம் : பிரசன்ன வேங்கடேச பெருமாள் கோவில். திருப்பாற்கடல் என்ற இடத்தில் இந்த கோயில் இருக்கிறது.
அவிட்டம் : பிரம்மஞானபுரீஸ்வரர் திருக்கோயில். கொருக்கை என்ற இடத்தில் உள்ளது.
சதயம் : அக்னிபுரீஸ்வரர் திருக்கோயில். இது திருப்புகலூர் என்ற இடத்தில் உள்ளது.
பூரட்டாதி : திருவானேஷ்வர் திருக்கோயில். ரங்கநாதபுரம் என்ற ஊர். திருவையாற்றில் இருந்து 17 கிலோமீட்டர் தூரத்தில் உள்ள திருக்காட்டுப்பள்ளி அருகே உள்ளது.
உத்திரட்டாதி : சகஸ்ரலட்சுமீஸ்வரர் திருக்கோவில். இந்த ஆலயம் தீயத்தூர் என்ற இடத்தில் இருக்கிறது.
ரேவதி : கைலாயநாதர் திருக்கோயில். முசிறி அருகே தாத்தய்யங்கார் பேட்டை என்ற ஊரில் உள்ளது.
|
||||||||
| by hemavathi on 09 Jul 2025 0 Comments | ||||||||
| கருத்துகள் | |
|
| உங்கள் கருத்துகள் பதிவு செய்ய | ||
|
