தேவையானவை :
1. உருளைக்கிழங்கு - 3
2. கடலை மாவு - 1 1/2 கப்
3. மிளகாய் தூள் - 1 டீஸ்பூன்
4. கரம் மசாலா - 1/2 டீஸ்பூன்
5. பெருங்காயத் தூள் - 1 சிட்டிகை
6. தண்ணீர் - 1 கப்
7. உப்பு - தேவையான அளவு
8. எண்ணெய் - தேவையான அளவு
செய்முறை :
1. முதலில் உருளைக்கிழங்கின் தோலை சீவி பின்னர், உப்பு கலந்த நீரில் போட்டு, கால் மணி நேரம் ஊற வைக்க வேண்டும்.
2. பிறகு நீரை முற்றிலும் வடித்துவிட்டு, அதனை வட்டமாக நறுக்கி கொள்ள வேண்டும். பின்பு ஒரு பொளலில் கடலை மாவு, மிளகாய் தூள், கரம் மசாலா, பெருங்காயத் தூள் மற்றும் உப்பு சேர்த்து கிளறி, மெதுவாக தண்ணீர் ஊற்றி, பஜ்ஜி மாவு பதத்திற்கு கெட்டி சேராதவாறு கலந்து கொள்ள வேண்டும்.
3. ஒரு வாணலியை அடுப்பில் வைத்து, அதில் பொரிப்பதற்கு தேவையான அளவு எண்ணெய் ஊற்றி காய்ந்ததும், உருளைக்கிழங்கை ஒவ்வொரு துண்டாக எடுத்து, கலந்து வைத்துள்ள பஜ்ஜி மாவில் நன்கு பிரட்டி, எண்ணெயில் போட்டு பொன்னிறமாக பொரித்து எடுத்தால் சுவையான உருளைக்கிழங்கு பஜ்ஜி ரெடி!!!
|