|
||||||||
தமிழ் குழந்தைகளே தமிழை மறந்து வரும் இந்த சூழலில் அமெரிக்க குழந்தைகளுக்கு தமிழ் கற்றுத்தரும் பனை நிலம் தமிழ்ச் சங்கம் !! |
||||||||
தமிழகத்தில் தமிழ் குழந்தைகளே தாய் மொழியான தமிழை மறந்து வரும் இன்றைய சூழ்நிலையில், தமிழ் மொழியை அமெரிக்க குழந்தைகளுக்கு அறிமுகப்படுத்தும் ஒரு உன்னத முயற்சியில் அமெரிக்காவின் சார்ல்ஸ்டன் பனை நிலம் தமிழ்ச் சங்கத்தினர் முயற்சி மேற்கொண்டு வருகின்றனர்.
அமெரிக்காவில் வசிக்கும் தமிழர்கள் உட்பட அனைத்து நாட்டினருக்கும் தாய் மொழியும், ஆங்கிலமும் தெரிந்திருக்கும். ஆனால் அமெரிக்கர்கள் பெரும்பாலானோருக்கு ஆங்கிலம் மட்டுமே தெரியும். அதனால் தான் அமெரிக்கர்களை ஒற்றை மொழியினர் என பரவலாக அழைக்கிறார்கள்.
இந்த நிலைமையை மாற்ற, சமீப காலமாக அமெரிக்காவில் உள்ள பெரும்பாலான பள்ளிகளில் இரட்டை மொழி என்ற அடிப்படையில் ஸ்பானிஷ் மொழியும் கற்றுத் தரப்படுகிறது. இது' தவிர தனிப்பட்ட முறையில் கற்று வரும் குழந்தைகளுக்கு சீன, ஃப்ரெஞ்சு மொழி உட்பட வேறு மொழிகளுக்கும், பள்ளியில் மதிப்பெண்கள் வழங்கப்பட்டு வருகின்றன. தமிழ் மொழிக்கு இப்படிப்பட்ட மதிப்பெண்கள் பெறுவதற்கு, தமிழ்ப் பள்ளிகளும், அமெரிக்க தமிழ்க் கல்விக் கழகமும் தீவிர முயற்சிகள் மேற்கொண்டு வருகின்றன.
இதன் விளைவாக, சமீபத்தில், ஆக்லே ஆல் பள்ளி மற்றும் பியூஸ்ட் அகாடமி மாணவ, மாணவியர்களுக்கு தமிழ் மொழி மற்றும் தமிழர்கள் பண்பாடு குறித்த பயிற்சி வகுப்புகள் நடைபெற்றன. பனை நிலம் தமிழ்ச் சங்கத்தின் ஹரி நாராயணன் இந்த பாடங்களை நடத்தினார். இந்த நிகழ்ச்சியில் 250 அமெரிக்க மாணவர்கள் ஆர்வத்துடன் கலந்து கொண்டார்கள். திருவள்ளுவர், திருக்குறள், தஞ்சை பெரியகோவில் மற்றும் இட்லி, தோசை உட்பட தமிழர்களின் பாரம்பரியத்தை பற்றிய விவரங்களை, சில மாணவர்கள் குறிப்பெடுத்துக் கொள்ளவும் செய்தார்கள். அத்தனை மாணவ மாணவியர்களுக்கு மத்தியில் ஹரி நாராயணன், தமிழர்களின் பாரம்பரிய உடையான வேட்டி சட்டையில் வந்திருந்து, வகுப்பெடுத்தார். இதன் தொடர்ச்சியாக, அமெரிக்க குழந்தைகளை தமிழ்ப் பள்ளிக்கு அழைத்து தமிழ் கற்றுக் கொடுக்கும் முயற்சியில் ஈடுபடப் போவதாக பனை நிலம் தமிழ்ச் சங்கத் தலைவர் சந்தோஷ் மணி தெரிவித்தார். ஏற்கனவே கடந்த ஆண்டு சில மாணவர்களை தமிழ்ப் பள்ளியில் சேர்த்துள்ளார்கள். தொடர்ந்து இதை நடைமுறைப் படுத்துவதற்கான திட்டங்களை பனை நிலம் தமிழ்ச் சங்கத்தினர் உருவாக்கி வருகிறார்கள்.
தமிழ் மொழியை வளர்க்க பாடுபடும் அமெரிக்க தமிழ் சங்கங்களுக்கு வலைத்தமிழ் ஆசிரியர்குழு சார்பாக வாழ்த்துக்களை தெரிவித்துக்கொள்கிறோம்..... |
||||||||
by Swathi on 01 Feb 2014 0 Comments | ||||||||
Tags: பனை நிலம் தமிழ் சங்கம் அமெரிக்காவில் தமிழ் தமிழ் கற்கும் அமெரிக்கர்கள் தமிழ் சங்கம் பனை நிலம் Panainilam Tamil Sangam Tamil Sangam | ||||||||
கருத்துகள் | |
|
உங்கள் கருத்துகள் பதிவு செய்ய | ||
|