திருக்குறள் இதுவரை எந்தெந்த மொழிகளில் மொழிபெயர்க்கப்பட்டுள்ளது? -வலைத்தமிழ் தொகுக்கிறது...
திருக்குறள் வெளிவந்துள்ள பிறமொழி மொழிபெயர்ப்புகளைத் தொகுப்பதற்காகக் கடந்த ஆண்டு வலைத்தமிழ் ஒரு முயற்சி செய்தது ஆனால் முழுமைபெறவில்லை. இவ்வாண்டு மீண்டும் திருக்குறள் ஆர்வலர் அமெரிக்காவின் முசௌரி மாகாணத்திலிருந்து திரு.இளங்கோ தங்கவேல் அவர்கள் இந்த முயற்சியைத் தலைமையேற்றுத் தொகுக்க முன்வந்துள்ளார்கள். இதற்காக ஒரு புலனக்குழு ஏற்படுத்தி அவருடன் பாஸ்டனிலிருந்து திருமதி.கார்திகைபிரியா மற்றும் மிச்சிகனிலிருந்து திருமதி.ப்ரவீணா ஆகியோர் இக்குழுவில் இணைந்து இதுவரை வெளிவந்துள்ள ஒவ்வொரு மொழிபெயர்ப்பு விவரங்களையும் தொகுத்து அதன் ஒரு பிரதியைச் சென்னைக்கு வரவழைத்துத் தொகுக்கும் முயற்சியை மேற்கொண்டுள்ளார்கள்.
திருக்குறள் மாநாடுகள் மற்றும் தமிழ் நிகழ்வுகளில் இந்தத் தொகுப்பைப் பயன்படுத்தவும், பிற மொழியினருடன் நட்பு பாராட்டும்போது பரிசளிக்கத் தமிழ் மக்கள் பயன்படுத்தவும் முடியும் என்றும் நம்புகிறோம்.
உங்களிடம் திருக்குறள் பிறமொழி மொழிபெயர்ப்பு நூல்கள் இருந்தால் அதன் அட்டைப்படத்தையும், உள்ளே ஒரு பக்கத்தையும், அதன் ஆசிரியர், பதிப்பு, எங்கே கிடைக்கும் என்ற விவரங்களை உள்ளடக்கி info@valaitamil.com என்ற மின்னஞ்சலுக்கு அனுப்பி உதவவும். வலைத்தமிழ் திருக்குறள் பகுதியில் உங்கள் பெயரை, உங்கள் அமைப்பின் பெயரைக் குறிப்பிட்டு ஆவணப்படுத்தப்படும்
|