வாழ்ந்து காட்டியவர்களை நினைத்து

எதிரிகளால் விரட்டப்பட்டு, கட்டிய,

மனைவியுடன் காடு மேடு

ஓடி ஒளிந்தவன், கட்டியதோ

மனதை அள்ளும் தாஜ்மகால்


புரிந்து கொள்ளும் அறிவு

இல்லை என்று பள்ளியில்

சேர்க்காதவன், இவ் உலகுக்கு

கொடுத்ததோ பல விஞ்ஞான

அதிசயங்கள் !.


தோல்விகளையே சந்தித்து

சந்தித்து, இறுதியில் அமெரிக்காவின்

ஜனாதிபதிஎன்ற வெற்றியை ருசித்தவர்


பள்ளி கட்டணம் கட்ட

வழியில்லை,பகுதி நேர

வேலைக்கு சென்ற பொழுது

வயது ஒன்பது ஆகவில்லை.

எழுபது வயதில் இறந்த பொழுது

ஏழு கப்பல்களுக்கு சொந்தக்காரன்.!


இளமையிலே செய்தித்தாள்

விற்று ஏழ்மையை அனுபவித்தவன்

இந்தியாவுக்கு கொடுத்ததோ

ஏவுகணையின் சூத்திரம் !இந்தியாவின்

ஜனாதிபதி! இறந்த பொழுது

இந்தியாவையே அழ வைத்தவன்.


தான் கற்றது குறைவு என்றாலும்

தமிழ்நாட்டில் பள்ளிகள் திறந்ததோ

 பல்லாயிரம் !


சாதிக்க முடியாமல் தோற்றவர்களும்

நிறைய உண்டு உலகத்தில்

என்றாலும், வென்றவர்களை நினைத்து


இன்னும் இன்னும் எத்தனையோ

எடுத்துக்காட்டுகளை என் மனதில்

நிறுத்தி !


அவ்வப்பொழுது துவண்டு

போகும் மனதை துள்ளி

எழ வைக்க முயற்சி செய்கிறேன்