வெஜிடபிள் குருமா (Vegetables Kurma)

தேவையானவை:

பெரிய வெங்காயம்- 2
கேரட், பீன்ஸ், பட்டாணி, உருளைக் கிழங்கு -  2 நறுக்கியது
பொட்டுக்கடலை -  1 டேபிள் ஸ்பூன்
தேங்காய்த் துருவல் -  1 கப்
உப்பு - தேவைக்கு
தக்காளி - 3

தாளிக்க தேவையானவை :

பட்டை, லவங்கம் - தலா 2
எண்ணெய் - 3 டேபிள் ஸ்பூன்
ஏலக்காய் -  2

அரைக்க தேவையானவை :

பூண்டு - 5 பல்
இஞ்சி - 1 துண்டு
பச்சை மிளகாய் - 5
சோம்பு - 1/2 டீஸ்பூன்

செய்முறை:

 1. காய்கறிகளுடன் உப்பும், தண்ணீரும் சேர்த்து, வேக வைத்து இறக்கவும். வெங்காயம், தக்காளியைப் பொடியாக நறுக்கவும். தேங்காய்த் துருவலையும் பொட்டுக்கடலையையும் நன்கு அரைத்துத் தனியே வைக்கவும். இப்பொழுது கடாயில் தாளிக்கும் பொருள்களையும், வெங்காயத்தையும்  சேர்த்து வதக்கவும். வெங்காயம் வதங்கியதும், தக்காளி, அரைத்த விழுது சேர்த்து வதக்கவும்.
 2. பிறகு வேகவைத்த காய்கறி, அரைத்த தேங்காய்க் கலவை, உப்பு, தேவையான தண்ணீர் சேர்த்து, 5 நிமிடம் கொதிக்கவிட்டு இறக்கவும்.