சிம்பு தேவன் இயக்கத்தில் விஜய் நடித்த புலி படம் சமீபத்தில் வெளியாகி எதிர்பார்த்த வெற்றியை தேடி தரவில்லை.
இந்நிலையில் விஜய், அட்லீ இயக்கும் புதிய படத்தில் தற்போது நடித்து வருகிறார். இந்த படத்தில் விஜய்க்கு ஜோடியாக சமந்தா, எமிஜாக்சன் ஆகியோர் நடித்து வருகிறார்கள். ஜி.வி பிரகாஷ் இந்த படத்திற்கு இசை அமைக்கிறார்.
விறுவிறுப்பாக படப்பிடிப்பு நடந்துவரும் வேளையில் இன்னும் படத் தலைப்பு உறுதியாகவில்லை. ராஜா ராணி படத்தை தொடர்ந்து அட்லீக்கு இரண்டாவது படம் இது. விஜய்க்கு 59வது படம் என்பதால் தலைப்பை பற்றி படக்குழு தீவிர ஆலோசனையில் இறங்கியுள்ளனராம்.
இந்த படத்திற்கு முதலில் “காக்கி“, “வீரன்” இவற்றில் ஏதேனும் ஒரு பெயர் வைக்கப்படலாம் என முதலில் சொல்லப்பட்டது. ஆனால் தற்போது “தாறுமாறு” என்ற பெயரும் பரிசீலனையில் இருப்பதாக தெரிகிறது.
படத்தின் பெயர் குறித்த அதிகாரப்பூர்வ அறிவிப்பு விரைவில் வெளியாகலாம் என எதிர்பார்க்கப்படுகிறது.
|