நடிகர் விஜய் தற்போது சிம்புதேவன் இயக்கத்தில் புலி என்ற படத்தில் நடித்து வருகிறார். விஜய்க்கு ஜோடியாக ஹன்சிகா மற்றும் ஸ்ருதி ஹாசன் நடிக்கிறார்கள். ஸ்ரீதேவி, சுதீப், தம்பி ராமையா, பிரபு ஆகியோர் முக்கிய கதாபாத்திரங்களில் நடிக்கிறார்கள்.
இந்த படத்திற்கு தேவிஸ்ரீபிரசாத் இசை அமைக்கிறார். சமீபத்திய படங்கள் அனைத்திலும் விஜய் ஒரு பாடல் பாடி வரும் நிலையில் தற்போது இந்த படத்திலும் ஒரு பாடல் பாடவிருக்கிறாராம். அதுவும் ஸ்ருதி ஹாசனுடன் இணைந்து பாடப்ப்போகிறார் என்பதே சிறப்பான செய்தி.
இருவருமே சிறந்த பாடகர்கள். இருவரையும் வைத்து டூயட் பாடலை பாட வைக்க வேண்டும் என்பது சிம்புதேவன் மற்றும் இசையமைப்பாளர் தேவி ஸ்ரீ பிரசாத்தின் விருப்பம்.
விஜய்யும் அவர்களின் விருப்பத்துக்கு ஓகே சொன்னதாக தகவல் வெளியாகியுள்ளது.
புலியின் ஆடியோ உரிமையை சமீபத்தில்தான் சோனி மியூஸிக் வாங்கியது குறிப்பிடத்தக்கது.
|