வேலாயுதம் படத்தை தொடர்ந்து, இளைய தளபதி விஜய், மோகன் ராஜா இயக்கத்தில் நடிக்கப்போவதாக தகவல்கள் வெளியாகியுள்ளது.
தற்போது அட்லி இயக்கும் தனது 59வது படத்தில் நடித்து வரும் விஜய், அதனை தொடர்ந்து தன்னை வைத்து குஷி படத்தை இயக்கிய எஸ்.ஜே.சூர்யா இயக்கும் படத்தில் நடிக்கிறார். அதன்பிறகு அவர் மோகன்ராஜா படத்தில் நடிப்பார் என்று கூறப்படுகிறது. அந்த படம் 2017ம் ஆண்டு துவங்கும் என எதிர்பார்க்கப்படுகிறது.
வேலாயுதம் படத்தை தொடர்ந்து தனது அடுத்த படத்தை இயக்க பல ஆண்டுகள் எடுத்துக்கொண்ட மோகன்ராஜா. தனது தம்பி ஜெயம்ரவியை வைத்து அவர் இயக்கிய தனி ஒருவன் படம் சூப்பர் டூப்பர் ஹிட் படமாகி விட்டது. அதுவரையில் ரீமேக் படங்களாக இயக்கி வந்த மோகன் ராஜா, இந்த படத்தை சொந்த கதையில் இயக்கி தனது பலத்தை நிரூபித்தார் என்பது குறிப்பிடத்தக்கது.
|