மிளகா, சதுரங்க வேட்டை உள்ளிட்ட படங்களில் நாயகனாக நடித்த ஒளிப்பதிவாளர் நட்டி என்னும் நட்ராஜ், தற்போது சிம்பு தேவன் இயக்கத்தில் விஜய் நடித்து வரும் புலி படத்திற்கு ஒளிப்பதிவு செய்து வருகிறார்.
இந்நிலையில், தனது புலி பட அனுபவம் குறித்து நட்டி கூறுகையில், நான் புலி படத்தின் எந்த விஷயத்தையும் சொல்லக் கூடாத கட்டாயத்தில் இருக்கிறேன். தயாரிப்பாளரும், இயக்குனரும் எனக்கு வாய்ப்பு கொடுத்தால் படத்தைப் பற்றி நிறைய விஷயங்களை பகிர்ந்துக் கொள்வேன்.
ஆனால் நிச்சயம் இப்படம் ஆச்சரியங்கள் நிறைந்த சிறந்த படமாகவும் ரசிகர்களுக்கு பிடிக்கும் படமாக இருக்கும். பிரம்மாண்டமாக உருவாகி வரும் இப்படம் நிச்சயம் 2015ல் வெற்றிப்படமாக அமையும் என சொல்கிறார் நட்டி என்கிற நட்ராஜ்.
|