ஆரஞ்சு மிட்டாய் படத்தை தொடர்ந்து விஜய் சேதுபதி, இயக்குனர் விக்னேஷ் சிவன் இயக்கத்தில் நானும் ரவுடிதான் என்ற படத்தில் நடித்து வருகிறார்.
இந்த படத்தில் விஜய் சேதுபதிக்கு ஜோடியாக நயன்தாரா நடித்திருக்கிறார். தனுஷ் இந்த படத்தை தயாரிக்க, அனிருத் இந்த படத்திற்கு இசை அமைக்கிறார். பல பிரபலங்கள் ஒன்றாக இந்த படத்தில் இணைந்திருப்பதால் இப்படத்தின் மீது எதிர்ப்பார்ப்பு ரசிகர்களிடையே அதிகம் உள்ளது. தற்போது இப்படத்தின் எதிர்பார்ப்பை இன்னும் அதிகப்படுத்தும் விதமாக விஜய்சேதுபதியின் 10 வயது மகன் சூர்யா சேதுபதி இந்தப் படத்தில் நடித்திருப்பதாக செய்திகள் வெளியாகி இருக்கிறது.
இந்தப் படத்தில் சின்ன வயது விஜய் சேதுபதியாக நடிக்க, ஒரு சிறுவனைத் தேடி, யாரும் பொருத்தமாக இல்லாததால் விஜய் சேதுபதியின் மகனையே நடிக்க வைத்திருக்கிறாராம் இயக்குனர் விக்னேஷ் சிவன். இதனை விஜய் சேதுபதியும் ஒப்புக் கொண்டிருக்கிறார். ஆனால், அவர் எந்த மாதிரியான கதாபாத்திரத்தில் நடித்திருக்கிறார் என்பதை கூற மறுத்த அவர், என்ன வேடம் என்பதை நீங்களே திரையில் பார்த்து தெரிந்து கொள்ளுங்கள் என்று கூறியிருக்கிறார்.
ஆக ஜூனியர் விஜய் சேதுபதி இந்த படத்தின் மூலம் அறிமுகம் ஆகிறார்.
|
