விஜய் மில்டன் இயக்கத்தில், 10 எண்றத்துகுள்ள என்ற படத்தில் நடித்து வரும் விக்ரம் அதனை தொடர்ந்து, ஆனந்த் சங்கர் இயக்கத்திலும், கவுதம் மேனன் இயக்கத்திலும் நடிக்க இருக்கிறார்.
இதில் ஆனந்த் சங்கர் இயக்கும் படத்தில் விக்ரமுக்கு ஜோடியாக காஜல் அகர்வால் நடிக்கிறார். அது மட்டுமல்லாமல், படத்தில், இன்னொரு நாயகியாக ப்ரியா ஆனந்தும் நடிக்க உள்ளதா தற்போதைய தகவல்கள் தெரிவிக்கின்றன. இப்படத்தின் படப்பிடிப்பு வரும் ஜூன் மாதம் தொடங்கவுள்ளது. இந்த வருடத்தின் இறுதியில் படத்தை வெளியிட திட்டமிட்டுள்ளார்கள். மேலும், இப்படத்தில் நடிக்கும் பிற நடிகர், நடிகைகள் தேர்வு நடைபெற்று வருகிறது. விரைவில் இதுகுறித்து அதிகாரப்பூர்வ அறிவிப்பை வெளியிடுவார்கள் என எதிர்பார்க்கப்படுகிறது.
|