நல்ல நல்ல மண்களிலே
மரபணு விதைகள்!
மனித வாழ்வை மாற்றப்போகும்
மரணக் குழிகள்!
விளைச்சல் தரும் விதையென
வாங்கி விதைத்தாய்!
நிலம் விலைக்குப் போகும்போது
உண்மை அறிவாய்!
செயற்கை உரம் அள்ளிக்கொட்டி
நிலத்தைக் கெடுத்தாய்!
இயற்கை பொய்த்துப் போகும்போது
குழம்பித் தவிப்பாய்!
பூச்சிக்கொள்ளி மருந்தை அள்ளி
பயிரில் தெளித்தாய்!
பூச்சியும் உண்ணத் தகுதியற்ற
உணவை உண்பாய்!
வருவதெல்லாம் வசதியென
வாங்கிக் குவித்தாய்!
வாழ்க்கை அழிந்து போகும்போது
வயிற்றைப் பிடிப்பாய்!
இயற்கை முறையை சீரழித்து
செயற்கையாய் சிரித்தாய்!
நாளை விளைநிலத்தை விதவையாக்கி
விலைக்குக் கொடுப்பாய்!