விஜய் நடித்த குருவி படத்தின் மூலம் தயாரிப்பாளராக அறிமுகமானவர் உதயநிதி ஸ்டாலின். குருவி படம் 100 நாட்கள் ஓடி உதயநிதிக்கு ஒரு நல்ல வசூலையும், பெயரையும் பெற்றுத்தந்தது.
முதலில் தயாரிப்பாளராக அறிமுகமான உதயநிதி, ராஜேஷ் இயக்கத்தில் ஒரு கல் ஒரு கண்ணாடி என்ற படத்தின் மூலம் நாயகனாக அறிமுகமாகி தற்போது நன்பேண்டா, இதயம் முரளி, திருக்குமரன் இயக்கத்தில் பெயரிடப்படாத ஒரு படம் என பிசியாக நடித்து வருகிறார்.
சமீபத்தில் நடிகர் விஜய் தமிழ் சினிமாவுக்கு வந்து 23 ஆண்டுகள் ஆகிவிட்டதை முன்னிட்டு, தன்னை வைத்து இயக்கிய இயக்குனர்கள், தயாரிப்பாளர்கள், தன்னுடன் நடித்த நடிகர்கள், குடும்பத்தினர், நண்பர்கள் மற்றும் ரசிகர்களுக்கு நன்றியை தெரிவித்துக் கொண்டார்.
விஜய்யை வைத்து மீண்டும் எப்போது படம் தயாரிக்க போகிறீர்கள் என்று உதயநிதியிடம் கேட்டதற்கு, "விஜய் எப்போது தேதி தருகிறாரோ அப்போது படம் தயாரிப்பேன். நாளையே தேதி தந்தாலும் படம் தயாரிக்க நான் தயார்," என்றார்.
தற்போது சிம்புதேவன் இயக்கத்தில் நடித்து வரும் விஜய், இப்படத்திற்குப் பிறகு அட்லி படத்தில் நடிக்கிறார். அதன்பிறகு கே.வி.ஆனந்த் படத்தில் நடிப்பார் என்று தெரிகிறது. இந்தப் படங்களுக்குப் பிறகு தான் அவர் உதயநிதிக்கு கால்ஷீட் தரவிருப்பதாக தகவல்கள் வெளியாகியுள்ளது.
|