வீரம் படத்தை அடுத்து, அஜீத் நடிப்பில் வெளியான படம் என்னை அறிந்தால். இந்த படத்தை கவுதம் மேனன் இயக்கி இருந்தார்.
அஜீத்துக்கு ஜோடியாக திரிஷாவும், அனுஷ்காவும் நடித்திருந்தனர். கடந்த 5ம் தேதி வெளியான இந்த திரைப்படம் ரசிகர்கள் மத்தியில் நல்ல வரவேற்பை பெற்றது.
கொஞ்சம் குழப்பமான திரைக்கதை, பாடல்கள் ஹிட் ஆகவில்லை என ஒரு சில விமர்சனங்கள் வந்தாலும், தியேட்டரில் வசூல் பரவாயில்லையாம். இதனிடையே படம் வெளியாகிய பத்து நாட்களுக்குள் இந்தப் படம் சுமார் 75 கோடி ரூபாய் முதல் 80 கோடி ரூபாய் வரை உலகம் முழுவதும் வசூலித்துள்ளதாகச் சொல்கிறார்கள்.
தமிழ்நாட்டில் மட்டும் 50 கோடி ரூபாய் வரை வசூலாகியுள்ளதாம். மற்ற மாநிலங்களில் 15 கோடி ரூபாயும் மற்ற உலக நாடுகளில் 12 கோடி ரூபாய் வரையும் வசூலாகியிருக்க வாய்ப்புள்ளது என்கிறார்கள். படத்தின் தொலைக்காட்சி உரிமை 15 கோடி ரூபாய் அளவிற்கு விற்கப்பட்டுள்ளதாகத் தெரிகிறது. ஆக, மொத்தம் இதுவரை படத்தின் வசூல் 92 கோடி ரூபாய் அளவிற்கு நடைபெற்றுள்ளது.
திரையரங்குகள் மூலம் சுமார் 40 கோடி ரூபாய் வரை பங்குத் தொகை கிடைக்கவும் வாய்ப்புள்ளதாம்.
|