|
||||||||
”யாதும் ஊரே யாவரும் கேளிர்” - உலகத் தமிழாராய்ச்சி மற்றும் பேரவை - சிகாகோ மாநாட்டு பாடல் அமெரிக்காவில் சிறப்பாக வெளியிடப்பட்டது.. |
||||||||
”யாதும் ஊரே யாவரும் கேளிர்” - உலகத் தமிழாராய்ச்சி மற்றும் பேரவை - சிகாகோ மாநாட்டு பாடல் அமெரிக்காவில் சிறப்பாக வெளியிடப்பட்டது..
Song URL: https://www.youtube.com/watch? வரும் ஜூலை மாதம் அமெரிக்காவில் முதல்முறையாக நடக்கவிருக்கும் 10வது உலகத்தமிழ் ஆராய்ச்சி மாநாட்டின் மையநோக்குப் பாடல் ( Theme song) அமெரிக்காவின் சார்சியா மாகாணத்தில் மிகச்சிறப்பாக வெளியிடப்பட்டது. தமிழ் இலக்கியத்தின் உச்ச சாதனைகளில் ஒன்றான 'யாதும் ஊரே யாவரும் கேளிர்' என்ற புறநானூற்றுப் பாடலுக்கு, டர்ஹாம் சிம்பொனியுடன் இணைந்து, இசையில் உச்சம் தொட்டிருக்கிறார் இசையமைப்பாளர் ராஜன் சோமசுந்தரம். யாதும் ஊரே பாடலின் முதல் வரிக்கேற்ப, பல நாடுகளைச் சேர்ந்த இசைக்கலைஞர்களை ஒன்றிணைத்து, பல இசை வடிவங்களையும் ஒன்றாய்க் கோர்த்து தமிழ்த்தாய் பெருமைகொள்ளும் அற்புதமான இசைமாலையாய் உருவாகி இருக்கிறது இப்பாடல். ஆப்பிரிக்க குரலிசையில் தொடங்கும் பாடல், ராக் இசைக்கு தாவி, பின் ராப், பாப் என்று பயணித்து, பாடகர் கார்த்திக்கின் இனிமையான குரலில் யாதும் ஊரே என்று தொடங்கும்போது ஒரே நிமிடத்தில் உலகைச்சுற்றி நம் ஊருக்கு வந்து சேர்ந்த உணர்வு ஏற்படுகிறது! நடுவில் சீனர்களின் இசை, அரேபிய இசை, மேற்கிந்திய தீவுகளின் காலிப்ஸோ, ஜாஸ், கர்நாடக சங்கீதம் இவற்றுடன் நம் நாட்டுப்புற இசை உற்சாகமாக இணையும் போது, எப்படி இத்தனை இசைவகைகளும் வேறுபாடின்றி இவ்வளவு எளிதாக ஒன்றுடன் ஒன்று கலக்க முடியும் என்ற வியப்பை அளிக்கிறது! கணியன் பூங்குன்றனாரின் சாகா வரம்பெற்ற வரிகளில் 'மாட்சியின் பெரியோரை வியத்தலும் இலமே, சிறியோரை இகழ்தல் அதனினும் இலமே' என்னுமிடத்தில் இசை முழுமை அடைந்து நம் இதயத்தையும், கண்களையும் நிறைக்கிறது. பிரபல இசை நடத்துனரும், அமெரிக்காவின் 40 பெரிய சிம்பொனி குழுக்களை வழி நடத்தியவருமான மேஸ்ட்ரோ வில்லியம் ஹென்றி கர்ரி வழிகாட்டலில், டர்ஹாம் சிம்பொனி வழங்கியிருக்கும் மேற்கத்திய இசை, தடையற்ற அருவியாய் நம்மேல் பொழிந்து, இப்பாடலை வேறொரு தளத்திற்கு உயர்த்திச் செல்கிறது. கம்பீரமும், பெருமையும் கலந்து அபாரமாகப் பாடியிருக்கிறார் கார்த்திக். பாடகி பாம்பே ஜெயஸ்ரீ புது உற்சாகம் பாய்ச்சி இருக்கிறார். தமிழ் தெரியாத இத்தாலிய பாப் பாடகி சார்லட் கார்டினாலே, லண்டனைச் சேர்ந்த ராப் இசை பாடகர் தர்ட்டின் பீட்ஸ் இருவரும் தமிழ் வார்த்தைகளைக் கற்று பாடியிருக்கிறார்கள். உக்ரேனைக் சேர்ந்த கிதார் கலைஞர் ஆர்ட்டம் எபிமோவின் ராக் கிதாருடன், ராஜேஷ் வைத்யாவின் கர்னாடக வீணையிசை, ராப் மற்றும் பறையிசை கலக்குமிடம் சிலிர்ப்பூட்டுகிறது. இசையில் பல வடிவங்களை இணைத்ததைப் போல, பல வகை நடனங்களையும் கலந்து அமர்க்களப்படுத்தி இருக்கிறார்கள் வீடியோவில். இசை வடிவங்களுக்கேற்ப பாலே, ஜாஸ், டேப், ஹிப்ஹாப், ஜிப்ஸி ,பரதநாட்டியம், அமெரிக்கர்கள் ஆடும் நம் நாட்டுப்புற நடனம் என்று அலையலையாய் வந்துகொண்டே இருக்கின்றன. மேலும், தமிழர்கள் அதிகமாய் வசிக்கும் பல நாடுகள் பின்னணியில் வந்து செல்வது, பல இனத்தை சேர்ந்த மக்களும் ஒன்றாக நம் உணவை சாப்பிடுவது, ஒன்றாக நடனம் ஆடுவது என்று பாடலின் வரிகளுக்கேற்ப யோசித்து செய்திருக்கிறார்கள். இசையமைப்பாளர் ராஜன், டர்ஹாம் சிம்பொனியுடன் இணைந்து ஏழு சங்கத்தமிழ் பாடல்களை முழு இசைத்தொகுப்பாக கொண்டுவரும் பெரும்முயற்சியில் இருக்கிறார். அதைப்பற்றி கூடுதல் தகவல்களைப் பெறவோ, உதவிக்கரம் அளிக்கவோ அவரை பின்வரும் முகவரியில் தொடர்பு கொள்ளலாம். ComposerRajan@gmail.com. In English: For one of the greatest and most visionary Tamil Sangam era poetry written 2000 years, “Yathum Oore, Yavarum Kelir”, Composer Rajan has created a grand and matching musical form with Durham Symphony and some of the leading singers of our times. True to the meaning of the first line, ‘Yathum Oore’, Rajan has collaborated with artists from multiple countries, ethnicities and languages. The song has an astonishing number of genres fused together- African voices, Rock, Rap, Calypso, Jazz, Pop, Chinese and Mediterranean along with melodic layers woven in Carnatic and western classical.
America’s acclaimed conductor, Maestro William Henry Curry who has directed 40 large Symphony orchestras in the United States, has lead Durham Symphony that provides a silky backdrop for the lead melody to glide through.
One of the highlights of the song is when the Rock guitars by Ukranian Artem Efimov seamlessly fuse with the Carnatic Veena of Rajhesh Vaidya along with Rap and South Indian folk beats. The choreographer has tried a similar challenge of fusing 8 different genres of dances to suit the music and has succeeded in the attempt. The team has carefully chosen many ingredients to suit the video like people of different races eating South Indian food, dancing together, showing backgrounds of countries and cities where predominant Tamil populations exist.
Composer Rajan is leading an effort to create a music album with Durham Symphony for 7 Sangam era poems. He’s reachable at the following email id for any additional information or support. ComposerRajan@gmail.com |
||||||||
by Swathi on 02 Jun 2019 0 Comments | ||||||||
கருத்துகள் | |
|
உங்கள் கருத்துகள் பதிவு செய்ய | ||
|