கஜா புயலில் பாதிக்கப்பட்ட மக்களுக்கு  உதவும் அனைவருக்குமான முழுமையான தகவல் தளம்..

கஜா புயலில் பாதிக்கப்பட்ட மக்களுக்கு  உதவுவதற்காக தொண்டுள்ளம் கொண்டு பலரும் களத்தில் முடிந்ததை செய்துவந்தாலும், அவற்றை மேலும் ஒருங்கிணைத்து, செம்மையாக செய்வது குறித்து பல்வேறு கேள்விகள் நமக்கு  எழத்தான் செய்கிறது.  அவை அனைத்திற்கும் விடை உண்டா?  எங்கே தேடுவது?  எதை நம்புவது? 

>>கஜா வில் பாதிக்கப்பட்ட எந்த கிராமங்களுக்கு உதவி கிடைக்கவில்லை என்று சொல்ல முடியுமா? 

>>எத்தனைபேர் அந்த கிராமத்தில் வசிக்கிறார்கள்?

>>நிவாரணத்திற்கு உருவான புதிய சிந்தனையை எப்படி பயனுள்ள வகையில் பகிர்வது?

>>நிவாரணத்திற்கு தார்பாய், மெழுகுவர்த்தி போன்ற பொருள்களை விலை குறைவாக மொத்தமாக எங்கே வாங்குவது? எனக்குத் தெரிந்த விலை குறைந்த கடையை எப்படி மற்றவர்களுடன் பகிர்வது?

>>என் கிராமத்தில் ஏற்பட்ட உயிரிழப்பை எங்காவது பதிவிட முடியுமா?

>>எந்த கிராமங்கள் எந்த அமைப்புகளால் உதவப்படுகிறது?

>>என்னுடைய தேவைகளை எங்கே சொல்வது?

>>உதவ விரும்புகிறேன் எப்படி உதவுவது?

>>நான் பாதிக்கப்பட்ட கிராமத்தில் உள்ளேன். உதவிகள் பெற என் தொடர்பை எங்கே பதிவுசெய்வது?

>>பாதிக்கப்பட்ட மக்களுக்கு உதவுகிறேன். என் தன்னார்வ அமைப்பை மற்றவர்களுடன் இணைந்து சேவை செய்ய எங்கே பதிவுசெய்வது?

பாதிக்கப்பட்ட கிராமங்கள், உதவி கிடைத்த கிராமங்கள், உதவி தேவைப்படும் கிராமங்கள் என்று அனைத்தையும் தொகுத்து எளிமையாக தமிழிலும் ஆங்கிலத்திலும் தேடும் வசதியுடன் முதல் முறையாக தமிழ்நாட்டு இயற்கை சீரழிவினை செம்மையாக கையாள,  கிராமங்களை தத்தெடுக்க, முடிந்த உதவிகளை செய்ய வசதி செய்யப்பட்டுள்ளது. இன்று மக்கள்தொகை விவரத்தையும் இணைத்து பஞ்சாயத்து அளவில் மக்கள்தொகை பெரும்பாலான கிராமங்களுக்கு சேர்க்கப்பட்டுள்ளது.

அவசர காலத்தில் தொழில்நுட்பம் (Technology), தரவுகள் (Data) ஒருங்கிணைத்து உதவிகளை எப்படி செம்மையாக்கமுடியும் என்பதற்கு ஒரு சோதனை முயற்சி இது. இது அனைவரும் பகிர்ந்து, பயன்படுத்தி,தகவல்களை சேர்த்து கொண்டுசெல்வதில்தான் இதன் முழு பயனை அடையமுடியும்...

இதை பயன்படுத்துங்கள்... எழுதுங்கள்.. பகிருங்கள்.. உங்களுக்குத் தெரிந்த தகவலை இணையுங்கள்..

www.GAJAHelp.ValaiTamil.com