375 ஆண்டுகளுக்குப் பின் கண்டறியப்பட்ட உலகின் 8 ஆவது கண்டம்

ஒரு கண்டம் கடலின் மட்டத்திலிருந்து சில அடிகளாவது உயர்ந்து நிலம் வெளியில் தெரிவதாக இருக்க வேண்டும்.

தமிழகத்திற்குக் கீழே ஆப்பிரிக்கா, ஆஸ்திரேலியா வரை லெமுரியா கண்டம் இருந்ததாகக் கூடச் சொல்கின்றனர். ஆனால் அதை முழுவதும் உண்மை என்று நிரூபிக்க முடியவில்லை. அதேபோல் இப்போது 8வது கண்டம் இருந்திருக்க வாய்ப்புள்ளது. உலகின் 8வது கண்டத்தைக் கண்டுபிடிக்க விஞ்ஞானிகள் சுமார் 375 ஆண்டுகள் எடுத்தனர் என்ற செய்தி பரவி வருகிறது. அதைப் பற்றித் தான் சொல்ல இருக்கிறோம்.

கண்டங்கள் எப்படி இருந்தன?,

இந்த அண்டம், அதில் உள்ள கிரகங்கள், பூமி, எல்லாம் எப்படி உருவானது? என்ற பல வாதங்கள் இருந்தாலும் உண்மை என்ன என்பதற்கான ஆய்வு இன்றும் நடந்து வருகிறது. உலகில் இன்று 7 கண்டங்கள் உள்ளன என்பது அனைவரும் அறிந்ததே. ஆனால், பல ஆயிரம் ஆண்டுகளுக்கு முன்னால் கண்டங்கள் எப்படி இருந்தன?, எத்தனை இருந்தன? என்று நமக்குத் தெரியாது.

உலகில் 8-வது கண்டமாக இருந்த ஒன்று இவ்வளவு நாட்கள் முழுவதும் கண்ணுக்குத் தெரியாத வகையில் மறைந்திருந்ததாகக் கூறப்படுகிறது. இருப்பினும், அதைச் சுற்றி மர்மங்கள் உள்ளன. புவியியலாளர்கள் பசிபிக் பெருங்கடலுக்குள் ஆழமான நிலத்தின் பெரும்பகுதியைக் கண்டுபிடித்ததாகக் கூறப்படுகிறது.