|
|||||
கடினமான ஆங்கிலச் சொற்களைப் பேசி உலக சாதனை படைத்த கோவை தமிழக சிறுவன். |
|||||
சிரமமான மேற்கத்திய ஆங்கில வார்த்தைகளை எழுத்துக்களோடு உச்சரித்து அசத்தும் கோவை சிறுவன்.
அறிவியல்,தொல்லியல்,மருத்துவம் தொடர்பான 50-க்கும் மேற்பட்ட எழுத்துக்கள் அடங்கிய ஆங்கிலச் சொற்களை எளிதாகக் கூறி கோவையைச் சேர்ந்த ஆறு வயது சிறுவன் உலக சாதனைப் புத்தகத்தில் இடம் பிடித்துள்ளார்.
கோவை உருமாண்டாம்பாளையம் பகுதியைச் சேர்ந்த ஸ்ரீனிவாசன், ரம்யா ஆகியோரின் மகன் லோகித் ஸ்ரீனிவாசன். ஆறு வயதான சிறுவன் லோகித் இரண்டாம் வகுப்பு படித்து வரும் நிலையில், துடியலூர் பகுதியில் உள்ள மிஸ்டர் தேவ் சர்வதேச பயிற்சி நிறுவனத்தில் திறன் மேம்பாட்டுப் பயிற்சியையும் கூடுதலாகப் பயின்று வருகிறார்.இந்நிலையில் லோகித்தின் நினைவாற்றல் திறமையைக் கண்ட பயிற்சியாளர் தர்ம தேவ் சிறுவனுக்குத் தனியாகப் பயிற்சி அளித்துள்ளார்.
ஏற்கனவே ஓர் உலக சாதனை
இதில் சிறுவன் லோகித் 52 மற்றும் 46 ஆங்கில எழுத்துக்களைக் கொண்ட அறிவியல்,மருத்துவம்,தொல்லியல்,ஆங்கிலச் சொற்றொடர் உள்ளிட்ட துறை சார்ந்த பத்துக்கும் மேற்பட்ட ஆங்கிலச் சொற்களைக் கூறி அசத்தியுள்ளார்.குறிப்பாக ஆங்கில எழுத்துக்களை தனித்தனியாகக் கூறியும்,அதே நேரத்தில் முழுமையான சொல்லாகவும்,அதன் ஆங்கிலப் பொருளையும் ஐந்து நிமிடம் பதினேழு விநாடிகளில் கூறி அனைவரையும் வியக்க வைத்துள்ளார்.
சிறுவன் லோகித்தின் இந்த அரிய சாதனை ஆசியா உலக சாதனைப் புத்தகத்தில் இடம் பிடித்தது..சிறுவன் லோகித் இதே போல 200 நாடுகளின் பெயர்களைக் கூறி ஏற்கனவே ஓர் உலக சாதனைப் புத்தகத்தில் இடம் பிடித்த நிலையில் தற்போது ஆறே மாதத்தில் மீண்டும் ஒரு சாதனை செய்துள்ளது குறிப்பிடத்தக்கது. |
|||||
by Kumar on 29 Jan 2024 0 Comments | |||||
கருத்துகள் | |
|
உங்கள் கருத்துகள் பதிவு செய்ய | ||
|