பிண்டி மசாலா (Bhindi Spices)

தேவையானவை :

வெண்டைக்காய் - கால் கிலோ
சாட் மசாலா - 1 டீஸ்பூன்
கடலை மாவு - 1 டேபிள்ஸ்பூன்
அரிசி மாவு - 1 டேபிள்ஸ்பூன்
எண்ணெய் - தேவையான அளவு
மிளகாய் தூள்- 2 டீஸ்பூன்


மசாலா செய்வதற்கு தேவையானவை:

வெங்காயம் - 1
தக்காளி - 4
இஞ்சி பூண்டு விழுது  - 1 டேபிள்ஸ்பூன்
புதினா - 1  கைப்பிடி
காய்ந்த மிளகாய் -1
முந்திரி - 15(அரைத்தது)
வெண்ணெய் - 1 டேபிள்ஸ்பூன்
கொத்தமல்லி - அலங்கரிக்க
உப்பு, எண்ணெய் - தேவையான அளவு
கரம் மசாலா - 2 டேபிள்ஸ்பூன்
கசூரி மேத்தி -1 டேபிள்ஸ்பூன்


செய்முறை :

1. வெண்டைக்காயை கழுவி சிறு சிறு துண்டுகளாக நறுக்கி நன்றாக பரப்பி காய வைக்க வேண்டும். மாலையில் செய்வதென்றால் காலையே நறுக்கி காய வைத்து விட வேண்டும்.அதனுடன் பொரிப்பதற்கு உரியவை அனைத்தையும் சேர்த்து நன்கு கிளறி வைக்க வேண்டும்.

2.கடலை மாவு  சிறிதளவு ஈரத்தன்மை இருந்தாலும் எடுத்து விடும்.பிறகு எண்ணெய் சூடானதும் அவற்றை பொறித்து எடுத்து நன்கு எண்ணெய் உறுஞ்சும் பேப்பரில் போட்டு வைக்கவும். வெண்டைக்காய் பச்சையாக இருக்கும் போதே எடுத்து விட வேண்டும்.ஒரு பாத்திரத்தில் பொடியாக நறுக்கிய தக்காளி, புதினா, கரம் மசாலா, பொடித்த காய்ந்த மிளகாய், கசூரி மேத்தி சிறிதளவு தண்ணீர் சேர்த்து நன்கு மசித்து வைக்கவும்.

3. எண்ணெய் சூடானவுடன் அதில் வெங்காயம் சேர்த்து வதக்கவும்.வெங்காயம் ஓரளவிற்கு வதங்கியதும் அத்துடன் இஞ்சி பூண்டு சேர்த்து பச்சை வாசனை நீங்கும் வரை வதக்கவும். இஞ்சி பூண்டு விழுது சேர்க்கும் போது நேரடியாக வாணலியில் போட்டு வதக்கவும்.இப்பொழுது தக்காளி கலவையை சேர்த்து நன்கு வணங்கும் வரை வதக்கவும்.

4. மசாலாவிற்கு தேவையான அளவு  உப்பு சேர்த்து வதக்கினால் வேகமாக வதங்கி விடும்.அதனுடன் அரைத்து வைத்துள்ள முந்திரி விழுது மற்றும் வெண்ணெய் சேர்த்து இரண்டு நிமிடம் கொதிக்க விடவும். முந்திரி சேர்த்தவுடன் தீயை குறைத்து வைக்கவும். இல்லையென்றால் அடி பிடித்துவிடும். தேவைக்கு ஏற்ப சிறிதளவு தண்ணீர் கூட தெளித்துக் கொள்ளலாம்.

5.பிறகு பொரித்து வைத்துள்ள வெண்டைக்காயை இதனுடன் சேர்த்து வதக்கவும். மசாலா வெண்டைக்காயில் நன்றாக ஏறியதும் இறக்கிவிடவும்.இறக்கியதும் கொத்தமல்லி தூவி பரிமாறவும். சூடு சாதம் அல்லது சப்பாத்தியுடன் சாப்பிடலாம். முந்திரி மற்றும் வெண்ணெய் சேர்க்காமலும் செய்யலாம்.