என்னை அறிந்தால் படத்தை தொடர்ந்து, அஜீத், வீரம் சிவா இயக்கத்தில் நடித்து வருகிறார். இந்த படத்தில் அஜீத்துடன் இணைந்து, ஸ்ருதி ஹாசன், லட்சுமி மேனன், சூரி ஆகியோர் நடித்து வருகிறார்கள்.
அனிருத் இந்த படத்திற்கு இசை அமைக்கிறார். பெரும்பாலான படபிடிப்புகள் அனைத்தும் முடிவடைந்த நிலையில், படத்திற்கு பெயர் வைக்காமல் இருந்தது. இந்நிலையில் நேற்று இந்த படத்திற்கு வேதாளம் எனப் பெயர் வைக்கப்பட்டுள்ளதாக அதிகாரப்பூர்வமாக அறிவிக்கப்பட்டது.
இந்த படத்திற்கு வேதாளம் எனப் பெயர் வைத்தற்கு என்னக்கரணம் என கோடம்பாக்கத்தில் விசாரித்த போது, நிகழ்கால, மற்றும் ஃப்ளாஷ் பேக் என இரு கதைகள் உள்ளனவாம். இதில் வேதாளம் என்பது ஃப்ளாஷ் பேக்கில் வரும் அஜித்தின் பெயராம். மேலும் அஜித்தின் ஃபர்ஸ்ட் லுக்கில் உள்ள மொட்டைத் தலை, காதில் கடுக்கன், கையில் காப்பு இருக்கும் தாதா போன்றத் தோற்றத்தில் தான் ஃப்ளாஷ் பேக்கில் வருகிறாராம் அஜித்.
படத்தில் இரண்டு அஜித் இல்லை. ஒரே அஜித் தான் தாதாவாக ஃப்ளாஷ் பேக்கில் இருப்பதாகவும், அந்த கேரக்டரின் பெயர்தான் வேதாளம் எனவும் காரணம் கிடைத்துள்ளது. எது எப்படியோ அஜித்தின் ஃபர்ஸ்ட் லுக் போஸ்டர் அஜீத் ரசிகர்களை மகிழ்ச்சியில் ஆழ்த்தியுள்ளது என்பதில் மட்டும் சந்தேகமில்லை.
வேதாளம் வரும் தீபாவளியை முன்னிட்டு வெளியாகும் என்பது குறிப்பிடதக்கது.
|
