தம்மு,தண்ணி ஆகியவற்றை வைத்து காமெடி படம் எடுப்பதில் வல்லவரான ராஜேஷ். இனிமேல் என்னுடைய படங்களில் தம்மடிக்கிற சீன்கள் இருக்கவே இருக்காது என்று சொல்லி ரசிகர்களை ஆச்சரியப்படுத்தியிருக்கிறார். "ஆல் இன் ஆல் அழகுராஜா" திரைப்படத்தின் பாடல்கள் வெளியீட்டு விழா சென்னையில் நேற்று நடைபெற்றது. இந்த விழாவில் கலந்து கொண்ட இயக்குனர் ராஜேஷ் பேசியதாவது, இந்தப்படத்துலேயும் தம்மடிக்கிற, தண்ணியடிக்கிற சீன்ஸ் இருக்குமா?ன்னு நெறைய பேர் என்கிட்ட கேட்டாங்க, அந்தளவுக்கு என்னோட படம்னாலே அதுல இந்த ரெண்டுமே இருக்கும்னு முடிவு பண்ணிடுறாங்க. ஆனா நல்லவேளையா ஆல் இன் ஆல் அழகுராஜா படத்துல தம்மடிக்கிற சீன்ஸ் ஒண்ணு கூட இல்ல, ஏன்னா கதைப்படி அந்தக்காட்சி தேவைப்படல. அதுமட்டுமில்லாமல் இனிமே என்னோட படங்கள்ல தம்மடிக்கிற சீன்களே இருக்காது என ரசிகர்களுக்கு இன்ப அதிர்ச்சி கொடுத்திருக்கிறார் ராஜேஷ்.
|