கத்தி படத்தை தொடர்ந்து நடிகர் விஜய், சிம்புதேவன் இயக்கத்தில் புலி என்ற படத்தில் நடித்துள்ளார். இந்த படத்தில் விஜய்யுடன் சேர்ந்து, ஹன்சிகா, ஸ்ருதி ஹாசன், ஸ்ரீ தேவி, நான் ஈ சுதீப் ஆகியோர் நடித்துள்ளனர். இந்த படத்திற்கு தேவி ஸ்ரீ பிரசாத் இசை அமைத்துள்ளார். நட்டி நட்ராஜ் இந்த படத்திற்கு ஒளிப்பதிவு செய்துள்ளார்.
புலி படம் குறித்து, அதன் ஒளிப்பதிவாளர் நட்டி நட்ராஜ் சமீபத்திய ஒரு பேட்டி ஒன்றில் கூறும்போது, பலரும் புலி படத்தை பாகுபலி படத்துடன் ஒப்பிடுகிறார்கள், அது தவறு. தயவுசெய்து இரு படங்களையும் ஒப்பிடவேண்டாம். இரண்டும் வெவ்வேறு வித்தியாசமான கதையம்சமும், காட்சி அமைப்புகளும் கொண்ட படங்கள் என கூறியுள்ளார்.
புலி படம் அடுத்த மாதம் திரைக்கு வரவிருக்கிறது என்பது குறிப்பிடத்தக்கது.
|
