அமெரிக்க நாட்டின் உயரிய கல்வி விருதான ராபர்ட் போஸ்டர் செர்ரி அவார்டு பார் கிரேட் டீச்சிங் விருது சென்னை, ஐ.ஐ.டி.,யில் படித்த, மீரா சந்திரசேகருக்கு அறிவிக்கப்பட்டுள்ளது.
.மைசூர் பல்கலைக்கழகத்தில், கணித பட்டம் பெற்ற பின், 1970ம் ஆண்டு, சென்னை ஐ.ஐ.டி.,யில், இயற்பியல் பட்டம் பெற்ற மீரா சந்திரசேகர், அமெரிக்காவின், பிரவுன் பல்கலையில், முனைவர் பட்டம் பெற்றார். அமெரிக்காவின், மிசவுரி பல்கலைக்கழகத்தில், இயற்பியல் துறை பேராசிரியராக உள்ள மீராவுக்கு, "ராபர்ட் போஸ்டர் செர்ரி அவார்டு பார் கிரேட் டீச்சிங்' என்ற விருது அறிவிக்கப்பட்டுள்ளது.
அமெரிக்க கல்வித் துறையில், சிறந்த ஆசிரியர்களுக்கு வழங்கப்படும், இந்த உயரிய விருது, 1.5 கோடி ரூபாய் ரொக்கப் பரிசு கொண்டது. டாக்டர் மீரா சந்திரசேகரின் சிறந்த கல்விப் பணியை பாராட்டி, இந்த விருதுத் தொகையுடன், இவர் பணியாற்றும் பல்கலை கழகம் கூடுதலாக, 15 லட்ச ரூபாய் ரொக்கப் பரிசு வழங்க உள்ளது.
|