|
நரம்புகள் சுருண்டு கொள்வதற்கான காரணங்கள் ?
கால்களில் ரத்த ஓட்டம் ரத்தக் குழாய்களின் வழியே இதயத்தை நோக்கிச் செல்கிறது. அசுத்த ரத்தத்தை மேல் நோக்கி எடுத்துச் செல்லும் இந்த ரத்தக் குழாய்களின் உட்பகுதியில் அமைந்துள்ள வால்வுகள் தொய்வடைவதினால் குழாய்கள் சுருட்டிக்கொள்கின்றன. வெகு நேரம் நின்றுகொண்டோ, சம்மணம் கட்டிக்கொண்டோ இருப்பவர்களுக்குச் சில தசைகள் சுருங்கியும் நீண்டும் ஒரே நிலையில் வெகு நேரம் இருப்பதால் அங்கு இயக்கம் குறைகிறது. ரத்தம் தேங்கி விடுகிறது. ஒரே நிலையில் நிற்காமல் அல்லது உட்காராமல் தசைகளை இயக்கிக் கொண்டோ இருப்பவர்களுக்கு இந்தத் தளர்ச்சி ஏற்டுவதில்லை.
இதைத் தடுக்க..
1. கால்களை இதமாகப் பிடித்துவிடுவது.
2. அதிக நேரம் நிற்க நேர்ந்தால் நிற்கும் நிலையிலேயே கெண்டைச் சதை, தொடைச் சதை முதலியவற்றை மடக்கி நீட்டிப் பழகுவது.
3. கால் கட்டை விரல்களை உயர்த்தி, தாழ்த்தி, சுழற்றிச் சுறுசுறுப்பூட்டுவது,
4. தினமும் காலையில் நாராயண தைலம், தானவந்த்ர தைலம் இவற்றில் ஏதேனும் ஒன்றைத் தொடை, கணுக்கால், பாதம் இவற்றில் தேய்த்துச் சிறிது இயக்கம் தரும் பயிற்சிகளை அவ்விடங்களில் செய்தபின், இதமான வெந்நீர் அல்லது சாதம் வடித்த கஞ்சியினால் உருவிவிடுவது, இதமான வெந்நீரில் குளிப்பது நல்லது.
மருத்துவம் :
அமுக்கறாக் கிழங்கு 250 கிராம் எடுத்துச் சிறு துண்டுகளாக்கி இட்லித் தட்டின் மேல்வைத்து கீழே 250 மி.லி. எருமை அல்லது பசுவின் பால், 250 மி.லி.தண்ணீரும் கலந்து இட்லி வேகவைப்பது போல வேகவைக்கவும். பாலில் கலந்த தண்ணீரின் அளவு சுண்டியதும் எடுத்து வேரை உலர்த்தித் தூளாக்கிச் சம அளவு சர்க்கரை கலந்து காலை மாலை 3 கிராம் பாலுடன் சாப்பிடலாம். வலுவிழந்த தளர்ந்த தசைகள் வலிவு பெற்று முறுக்குடன் இயங்கும். ரத்தக் குழாய் தளர்ச்சி நீங்கும். இந்தக் கிழங்கு அஸ்வகந்தி சூர்ணம் என்ற பெயரில் ஆயுர்வேதக் கடைகளிலும் கிடைக்கிறது.
|
Disclaimer:
Medical Articles and Medical Tips are for information and knowledge purpose only. If you are on medication for any illness, we strongly advise you to continue the medication and follow your doctor advice. We do not advise you to stop the medication or change the dosage of medication without your Doctors’ advice. We are not a doctor or promoting doctors. We are not responsible for any side effects, reactions in your body directly or indirectly any other monetary or non-monetary losses incurred in using/trying the articles, videos, tips from this site. இந்தத் தளத்தில் உள்ள மருத்துவக் குறிப்புகள்,கட்டுரைகள், காணொலிகள் நோயின்றி வாழவும், வருமுன் காக்கவும் , இயற்கை மருத்துவ முறைகளை தெரிந்துகொள்ள மட்டுமே. நீங்கள் நோய்க்கு மருந்து சாப்பிடுபவராக இருந்தால் உங்கள் மருந்துகளை உடனே நிறுத்துவதோ, உங்கள் மருத்துவரின் ஆலோசனையின்றி குறைப்பதையோ இந்த தளத்தில் உள்ள தகவல்களை அடிப்படையாகக் கொண்டு செய்யவேண்டாம். இந்த தளத்தில் உள்ள மருத்துவக் குறிப்புகளை பயன்படுத்தி உங்களுக்கு ஏதும் பின்விளைவு ஏற்பட்டாலோ,மருத்துவப் பிரச்சினை ஏற்பட்டாலோ அதற்கு வலைத்தமிழ் பொறுப்பில்லை. |
