|
|||||
டெல்லியில் ஆம் ஆத்மி கட்சி ஆட்சி அமைக்க காங்கிரஸ் நிபந்தனையற்ற ஆதரவு !! |
|||||
சமீபத்தில் நடந்து முடிந்த டெல்லி சட்டமன்ற தேர்தலில் பாஜக கூட்டணி 32 இடங்களையும், ஆம் ஆத்மி கட்சி 28 இடங்களையும், காங்கிரஸ் கட்சி 8 இடங்களையும், சுயேட்சை உறுப்பினர்கள் 2 இடங்களையும் பிடித்தனர்.
மொத்தமாக 70 உறுப்பினர்களை கொண்ட டெல்லி சட்டசபையில் 36 உறுப்பினர்களை கொண்ட கட்சி மட்டுமே குறைந்தபட்ச மெஜாரிட்டியுடன் ஆட்சி அமைக்க முடியும். போட்டியிட்ட கட்சிகளில் யாருக்கும் தனிப்பெரும்பான்மை கிடைக்காதால் அங்கு ஆட்சி அமைப்பத்தில் இழுபறி நிலை நடந்து வருகின்றது. அதிக இடங்களை கைப்பற்றிய கட்சி அடிப்படையில் ஆட்சியமைப்பது குறித்து ஆலோசனை நடத்துவதற்கு வருமாறு பா.ஜனதா கட்சிக்கு டெல்லி கவர்னர் நஜீப் ஜங்க் அழைப்பு விடுத்திருந்தார். அதனையேற்று ஆளுனரை சந்தித்த பா.ஜனதாவின் முதல்வர் வேட்பாளரான ஹர்ஷ்வர்தன், தங்களுக்கு போதுமான எம்.எல்.ஏக்கள் பலம் இல்லாததால் ஆட்சியமைக்க இயலாது என கூறினார்.
இதை தொடர்ந்து டெல்லி சட்டப்பேரவை தேர்தலில் வெற்றி பெற்ற இரண்டாவது பெரிய கட்சியான ஆம் ஆத்மி கட்சி தலைவர் அரவிந்த் கெஜ்ரிவாலை ஆட்சி அமைப்பது தொடர்பாக ஆலோசனை நடத்தவருமாறு கவர்னர் அழைப்பு விடுத்தார். இதனையடுத்து, இன்று காலை 10.30 மணியளவில் டெல்லி கவர்னர் நஜீப் ஜங்கை ஆம் ஆத்மி கட்சி தலைவர் அரவிந்த் கெஜ்ரிவால் சந்திக்க உள்ளார்.
இந்நிலையில், ஆம் ஆத்மி கட்சி டெல்லி ஆட்சி பொறுப்பை ஏற்க பற்றாக்குறையாக உள்ள 8 எம்.எல்.ஏ க்களின் ஆதரவை நிபந்தனை ஏதுமின்றி வழங்க தயாராக உள்ளதாக காங்கிரஸ் கட்சி அறிவித்துள்ளது. இது தொடர்பாக கவர்னருக்கு காங்கிரஸ் கட்சி சார்பில் கடிதம் அனுப்பப்பட்டுள்ளதாக டெல்லி காங்கிரஸ் பொறுப்பாளர் ஷகீல் அகமது செய்தியாளர்களிடம் தெரிவித்தார். தற்போது டெல்லி சட்டசபையில் ஆம் ஆத்மி எம்.எல்.ஏக்களின் பலம் 28 ஆக உள்ளது. பா.ஜ.க. ஆட்சி அமைக்க முன்வராத நிலையில் 8 காங்கிரஸ் எம்.எல்.ஏக்களின் நிபந்தனையற்ற ஆதரவுடன் ஆம் ஆத்மி கட்சி ஆட்சியை அமைப்பது சிறந்தது என அரசியல் விமர்சகர்கள் தெரிவித்துள்ளனர். |
|||||
Congress offers unconditional support to Aam Aadmi Party | |||||
Congress has offered unconditional support to Arvind Kejriwal's Aam Aadmi Party should they be ready to form the next government in Delhi. |
|||||
by Swathi on 13 Dec 2013 0 Comments | |||||
Tags: Arvind Kejriwal AAP Congress Support Congress Support AAP Delhi Government Unconditional Support காங்கிரஸ் ஆதரவு | |||||
கருத்துகள் | |
|
உங்கள் கருத்துகள் பதிவு செய்ய | ||
|