LOGO
  முதல் பக்கம்    செய்திகள்    தமிழ்நாடு-Tamil Nadu Print Friendly and PDF

சுதந்திர தின விழா: சென்னையில் ஏற்பாடுகள் மும்முரம்!

சுதந்திர தின விழாவை முன்னிட்டு சென்னையில் ஏற்பாடுகள் மும்முரப்படுத்தப்பட்டு உள்ளன.
தமிழகத்தில் அரசின் சார்பில் சென்னை ஜார்ஜ் கோட்டையில் சுதந்திர தினவிழா நிகழ்ச்சிகள் ஏற்பாடு செய்யப்பட்டுள்ளன. காலை 9 மணிக்கு இந்த நிகழ்ச்சிகள் நடைபெறவுள்ளன.
இந்த நிகழ்ச்சியில் கலந்து கொள்வதற்காக வரும் முதல்-அமைச்சர் எடப்பாடி பழனிசாமியை, போர் நினைவுச் சின்னத்தில் இருந்து காரின் முன்னாலும் பின்னாலும் சென்னை காவல்துறையினரின் மோட்டார் சைக்கிள்கள் புடைசூழ அழைத்து வருவார்கள்.

கோட்டை கொத்தளத்தின் முன்பாக அணிவகுப்பு மரியாதை ஏற்கும் மேடை அருகே முதல்-அமைச்சர் எடப்பாடி பழனிசாமி வந்து இறங்குவார். அங்கு அவருக்கு பூங்கொத்து கொடுத்து தலைமைச் செயலாளர் கே.சண்முகம் வரவேற்பார்.

தென்னிந்திய பகுதிகளின் தலைமைப் படைத் தலைவர், தமிழ்நாடு மற்றும் புதுச்சேரி கடற்படை அதிகாரி, தாம்பரம் விமானப்படைத் தள அதிகாரி, கிழக்கு மண்டல கடலோரக் காவல்படை இன்ஸ்பெக்டர் ஜெனரல், தமிழக டி.ஜி.பி. கே.கே.திரிபாதி, சென்னை போலீஸ் கமிஷனர் ஏ.கே.விஸ்வநாதன், கூடுதல் டி.ஜி.பி. (சட்டம்-ஒழுங்கு) ஆகியோரை மரபுப்படி முதல்-அமைச்சருக்கு தலைமைச் செயலாளர் அறிமுகம் செய்து வைப்பார்.

பின்னர் அணிவகுப்பு மரியாதையை ஏற்கும் மேடைக்கு முதல்-அமைச்சரை தலைமைச் செயலாளர் அழைத்துச் செல்வார். அங்கிருந்த படியே போலீசாரின் அணிவகுப்பு மரியாதையை ஏற்றுக்கொள்வார். பின்னர் முதல்-அமைச்சர் எடப்பாடி பழனிசாமி, திறந்த ஜீப்பில் ஏறிச் சென்று, போலீஸ் அணிவகுப்பை பார்வையிடுவார்.

பின்னர் 9 மணிக்கு கோட்டை கொத்தளத்துக்கு முதல்-அமைச்சர் வருவார். அங்கிருந்தபடி மூவர்ண தேசியக் கொடியை முதல்- அமைச்சர் ஏற்றி வைப்பார். மூவர்ண பலூன்கள் அப்போது பறக்கவிடப்படும்.
மேலும், போலீஸ் பேண்டு வாத்தியக் குழுவினர் தேசிய கீதத்தை இசைப்பார்கள். பின்னர் சுதந்திர தின உரையை முதல்-அமைச்சர் எடப்பாடி பழனிசாமி அங்கிருந்தபடி நிகழ்த்துவார்.

அதன் பின்னர் சிறப்பாக பணியாற்றியவர்களுக்கான விருதுகளை முதல்-அமைச்சர் வழங்குவார். இந்த ஆண்டுக்கான அப்துல் கலாம் பெயரிலான விருது, துணிவு மற்றும் சாகசச் செயலுக்கான கல்பனா சாவ்லா விருது உள்ளிட்ட விருதுகள் வழங்கப்படும்.

பின்னர் விருது பெற்றவர்களுடன் முதல்-அமைச்சர் எடப்பாடி பழனிசாமி குழுப் புகைப்படம் எடுத்துக் கொள்வார். அதைத் தொடர்ந்து அங்கு போடப்பட்டிருக்கும் பந்தலில் அமர்ந்திருக்கும் குழந்தைகளுக்கு இனிப்புகள் வழங்குவார்.

இந்த நிகழ்ச்சியை அமைச்சர்கள், நீதிபதிகள் மற்றும் பல முக்கியஸ்தர்கள், பொதுமக்கள் ஆகியோர் காண்பதற்காக கோட்டை கொத்தளத்துக்கு எதிரே பந்தல்கள் அமைக்கப்பட்டு உள்ளன.

by Mani Bharathi   on 13 Aug 2019  0 Comments
 தொடர்புடையவை-Related Articles
தமிழகத்தில் இதுவரை 1.382 பேர் உடல் உறுப்பு தானம் - அமைச்சர் விஜய பாஸ்கர் தகவல் தமிழகத்தில் இதுவரை 1.382 பேர் உடல் உறுப்பு தானம் - அமைச்சர் விஜய பாஸ்கர் தகவல்
தமிழகம் முழுவதும் 3.501 நகரும் ரேஷன் கடைகள் - விரைவில் எடப்பாடி பழனிசாமி தொடங்கி வைக்கிறார். தமிழகம் முழுவதும் 3.501 நகரும் ரேஷன் கடைகள் - விரைவில் எடப்பாடி பழனிசாமி தொடங்கி வைக்கிறார்.
கொரோனாவால் பாதிக்கப்பட்டு குணம் அடைந்த 40 போலீசார் பிளாஸ்மா தானம் கொரோனாவால் பாதிக்கப்பட்டு குணம் அடைந்த 40 போலீசார் பிளாஸ்மா தானம்
காவல் ஆய்வாளர் பாலமுரளி அவர்களுக்கு வீர வணக்கம் காவல் ஆய்வாளர் பாலமுரளி அவர்களுக்கு வீர வணக்கம்
தற்சார்பு வாழ்வியலுக்குத் திரும்புவோம் - நிறைவு விழா தற்சார்பு வாழ்வியலுக்குத் திரும்புவோம் - நிறைவு விழா
ஒரு ₹1 ரூபாய்க்கு $1 ஒரு டாலர் ஒரு ₹1 ரூபாய்க்கு $1 ஒரு டாலர்
சென்னை, உலகத் தமிழாராய்ச்சி நிறுவன தமிழ்மொழி(ம) மொழியியல் புலம் நடத்தும் இணையவழிப் பயிலரங்கம் சென்னை, உலகத் தமிழாராய்ச்சி நிறுவன தமிழ்மொழி(ம) மொழியியல் புலம் நடத்தும் இணையவழிப் பயிலரங்கம்
வாங்க பேசலாம் with P.K. INIAN வாங்க பேசலாம் with P.K. INIAN
கருத்துகள்
No Comments found.
உங்கள் கருத்துகள் பதிவு செய்ய
பெயர் *
இமெயில் *
கருத்து *

(Maximum characters: 1000)   You have characters left.
Write reCAPTCHA code *
 
இயல்பாக நீங்கள் டைப் செய்யும் எழுத்துக்கள் Space bar அழுத்தியவுடன் தமிழில் தோன்றும். உங்கள் எழுத்துக்கள் ஆங்கிலத்தில் இருக்க CTRL+G press செய்யவும்.
முக்கிய குறிப்பு:

வலைத்தமிழ் இணையதளத்தில் செய்திகளுக்கும் கட்டுரைகளுக்கும் வாசகர்கள் பதிவு செய்யும் கருத்துக்கள் தணிக்கை இன்றி உடனடியாக பிரசுரமாகும் வகையில் மென்பொருள் வடிவமைக்கப்பட்டுள்ளது. எனவே, வாசகர்களின் கருத்துக்களுக்கு வலைதமிழ் நிர்வாகமோ அல்லது அதன் ஆசிரியர் குழுவோ எந்தவிதத்திலும் பொறுப்பாக மாட்டார்கள்.  பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி வாசகர்களை கேட்டுக்கொள்கிறோம். வாசகர்கள் பதிவு செய்யும் கருத்துக்கள் தொடர்பான சட்டரீதியான நடவடிக்கைகளுக்கு வாசகர்களே முழுப்பொறுப்பு. கடுமையான கருத்துக்கள் குறித்து எங்கள் கவனத்திற்கு கொண்டு வந்தால் அவற்றை நீக்க நடவடிக்கை எடுக்கப்படும். கடுமையான கருத்துக்களை நீக்குவதற்கு info@ValaiTamil.com என்ற  இ-மெயில் முகவரிக்கு தொடர்பு கொள்ளவும்.