பட்டம்

வானத்தில் காற்றின் விசையால் உந்தப்பட்டு மேலே பறக்கும் பொருளே பட்டம் ஆகும். பொதுவாக எந்த வித இயந்திரத்தின் துணையின்றி காற்றின் விசையை மட்டும் கொண்டு பறக்கும் பொருட்களையே பட்டம் என்பர். காற்று பட்டத்தின் கீழிருந்து கூடிய விசையுடன் உந்தும்பொழுது பட்டம் மேலெழுகின்றது.

பட்டங்களை செய்யும் முறை :

பட்டங்களை பொதுவாக சிறுவர்களே தயாரித்து கொள்கின்றனர். காகிதங்கள் விரிந்திருக்கும்படி சீவங்குச்சிகளை வளைத்து ஒட்டிப் பட்டம் செய்யப்படும்.அதற்கு வால் என்று மெலிதாகக் கிழித்த துணி ஒன்றை ஒரு முனையில் கட்டுவர். வால் இல்லாத பட்டமும் உண்டு. அதன் எதிர்முனையில் பறக்கவிடும் நூல் கட்டப்படும். பட்டத்தைத் தூக்கிக் காற்றடிக்கும் காலத்தில் காற்றில் பறக்க விடுவர். காற்று விசையால் உந்தப்பட்டுப் பட்டம் மேலே பறக்கும். பட்டம் கட்டிய நூலைச் சுண்டி பட்டத்தை அங்குமிங்கும் அலையவிட்டு வேடிக்கை பார்த்து மகிழ்வர். இக்காலத்தில் வண்ணவண்ணப் பட்டங்கள் விற்பனைக்குக் கிடைக்கின்றன.

பட்டங்களின் வகைகள் :

பிராந்துப் பட்டம்
விண்பூட்டிய பட்டம்
கொக்குப் பட்டம்
கடதாசிப் பட்டம்
பெட்டிப் பட்டம்