LOGO
  முதல் பக்கம்    உடல்நலம்    கட்டுரை Print Friendly and PDF
- நலம் காக்கும் சித்தமருத்துவம்

மக்களைக் காக்கும் சித்த மருத்துவம் – நிகழ்வு – 18

மக்களைக் காக்கும் சித்த மருத்துவம் – நிகழ்வு – 18

Dr.G. Sivaraman, BSMS, Ph.D.,

அறிமுகம்:

     சித்த மருத்துவத்தின் அடையாளம் இவர்; இளம் சித்த மருத்துவர்களின் RollModel இவர்; நூலாசிரியர்; பேச்சாளர்; சமூக செயல்பாட்டாளர்; பூவுலகின் நண்பர் எனப் பன்முகத்தன்மைக் கொண்டு சித்த மருத்துவத்தைப் பல தளங்களுக்கு எடுத்துச் சென்றவர். முப்பது நாடுகளுக்கு மேல்; சென்று உரையாற்றியுள்ளார்.

வாழ்வியல் நோய்கள்:

     தமிழர்கள் நோய் தடுப்பானை உணவாக உட்கொண்டவர்கள். வரக் கூடிய நோயைத் தடுக்கக்கூடிய ஆற்றல் அவர்கள் உண்ணும் உணவிலேயே காணப்பட்டன. இன்று அவற்றை மறந்து துரித உணவுகளுக்குச் சென்று கொண்டிருக்கிறோம். உணவுகள் குறித்த என்னுடைய ஆய்வில் தமிழர்களுடைய அறிவையும் ஆற்றலையும் கண்டு நான் வியந்தேன் என்று குறிப்பிடுகிறார் டாக்டர். சிவராமன் அவர்கள்.. மேலும் இன்று வாழ்வியல் நோய்கள் என்று கருதப்படும் சர்க்கரை நோய், மாரடைப்பு, புற்றுநோய், நாள்பட்ட நுரையீரல் நோய்கள்  பெரிய நோய்க்கூட்டமாக உருவாகிக் கொண்டிருக்கின்றன.. இதைத் தடுக்க மனித உணவில். சூழலில், மனத்தில் மாற்றம் வேண்டும் என்கிறார்.

துன்பத்தைத் தரும் துரித உணவுகள்:

     ஓடிக் கொண்டிருக்கும் வாழ்க்கை முறையில் துரித உணவுகளை மிகுதியாக எடுத்துக் கொண்டிருக்கிறோம். இதில் பெரும்பாலும் பாதிக்கப்படுவது இளம்வயது குழந்தைகளும், இளையோர்களுமே ஆவர். என்றைக்காவது ஒருநாள் சாப்பிடட்டும் என்று நாம் கொடுக்கும் துரித உணவானது அக்குழந்தைகள் தங்கள் வாழ்க்கையை வாழத் தொடங்கும் போது முழுமையாகத் துரித உணவுக்குள் செல்ல வழிவகுக்கிறது. துரித உணவுகளைக் குப்பை உணவுகள், நச்சு உணவுகள் என்றே சொல்ல வேண்டும். துரித உணவுகளால் 8 வயதுக்குழந்தை வயதுக்கு மீறிய எடையுடன் காணப்படுகிறது. 9, 10 வயதுக் குழந்தை வயதுக்கு வருகிறது. 24 வயதில் சர்க்கரை நோய் வருகிறது. துரித உணவுகளால் மரபணுக்களையே மாற்றிக் கொண்டு இருக்கிறோம் என்கிறார் டாக்டர். சிவராமன் அவர்கள்..

பாட்டிகளைத் தொலைத்த தலைமுறை:

     முன்பெல்லாம் வீட்டில் இருக்கும் பெற்றோரோ பெரியவர்களோ இந்தப் பொருளை அடிக்கடி சேர்க்காதே வாயு; இதைச் சேர்க்காதே பித்தம் என்று கூறுவர். இன்றோ வாயு, பித்தம், கபம் என்றால் என்ன என்று தெரியாத ஒரு தலைமுறையை உருவாக்கிக் கொண்டிருக்கிறோம். நம் தலைமுறை பாட்டிக்கு இவையெல்லாம் தெரிந்திருந்தன இன்றோ ஒரு புறம் பாட்டிகளை தொலைத்து கொண்டிருக்கிறோம், இன்னொரு புறம் இவை எதுவும் தெரியாத பாட்டிகளை உருவாக்கிக் கொண்டிருக்கிறோம். தமிழ் சமுதாய பண்பாட்டோடு ஊறியது இன்று தன்னை மறந்து கொண்டிருக்கிறது. குடும்ப அறிவியலை தொலைத்து விட்டோம். இதில் வைட்டமின் ஏ உள்ளது; இதில் வைட்டமின பி உள்ளது என்று சொல்லும் குழந்தைக்கு இதைச் சாப்பிட்டால் பித்தம் அதிகமாகும், அதைச் சாப்பிட்டால் வாயு அதிகமாகும் என்று சொல்லத் தெரியவில்லை. அப்படிப்பட்ட தலைமுறையை உருவாக்கிக் கொண்டிருக்கிறோம். அஞ்சறைப்பெட்டியில் நாம் செலவிடும் அதிகபட்ச நேரம் மனித ஆயுட்காலத்தின் வாழ்நாளை 20 ஆண்டு உயர்த்தும் என்பதைத் தெரியாமல் இருக்கிறோம் என்கிறார் டாக்டர். சிவராமன் அவர்கள்...

உடல்நலம்:

     முந்தையக் காலத்தில் உடல்நலம் என்பது நாம் மட்டும் நலமாக இருப்பது; இன்று உடல்நலம் என்பது உடல், மனம், சூழல் ஆகிய அனைத்தையும் சார்ந்துள்ளது. மண்ணில் வாழும் ஒரு மண்புழு நலமாக இருந்தால் தான் மனிதன் நலமாக வாழ முடியும். இதை இன்றைய கொரோனா மனிதனுக்கு உணர்த்திவிட்டது. இந்த கொரோனா காலத்திலும் அதன் வீரியத்தன்மை குறைந்ததற்கு காரணம் சித்த மருத்துவமே; இருப்பினும் இரண்டாவது அலை பரவலுக்குக் காரணம் மக்களின் அலட்சியமே. சமூக இடைவெளி, முகக்கவசம், கைகளை அடிக்கடி சோப்பு போட்டுக் கழுவுதல் போன்றவற்றை அவசியம் பின்பற்ற வேண்டும்.

ஒருங்கிணைந்த மருத்துவம்:

     கூட்டு முயற்சியால் மட்டுமே மருத்துவம் மகத்துவம் பெறும். ஒருங்கிணைந்த மருத்துவம் என்பது காலத்தின் கட்டாயம். இந்திய மருத்துவம் முதலில் இணைய வேண்டும். பிறகு நவீன மருத்துவத்துடன் கைகோர்க்க வேண்டும். மத நல்லிணக்கம் போல் மருத்துவ நல்லிணக்கமும் வேண்டும். தன் மருத்துவ முறைதான் பெரியது என்ற பற்றை அறுத்து மக்களைக் காக்கும் மருத்துவமாக நினைத்து சேவையாற்ற வேண்டும் என்கிறார் டாக்டர். சிவராமன் அவர்கள்..

இளம் மருத்துவர்களுக்கு

     இன்றைய இளம் மருத்துவர்கள் சித்த மருத்துவத்தின் மீது பற்றும், காதலும் கொள்ள வேண்டும். சித்த மருத்துவத்தை நேசிக்க வேண்டும். ஒரு நல்ல சித்த மருத்துவரை உலகம் இன்றும் தேடிக் கொண்டு இருக்கிறது. எனவே இன்றைய இளம் மருத்துவர்களும், மாணவர்களும் தங்களை முழுமையாக தயார்ப்படுத்திக் கொள்ள வேண்டும்; தயக்கத்தை அகற்ற வேண்டும்; எந்த நிலையிலும் தேங்கிவிடக்கூடாது; சமூகம், சூழல், உணவு போன்ற அனைத்திலும் என்ன பிரச்சனை இருக்கிறது என்பதைக் கவனிக்க வேண்டும். உழைப்பதற்கும், மக்களோடு இணக்கமாக இருப்பதற்கும், பல இடங்களுக்குப் பயணிப்பதற்கும் பழகிக்கொள்ள வேண்டும் என்கிறார் டாக்டர். சிவராமன் அவர்கள்..

by Lakshmi G   on 23 Apr 2021  0 Comments

Disclaimer:
Medical Articles and Medical Tips are for information and knowledge purpose only. If you are on medication for any illness, we strongly advise you to continue the medication and follow your doctor advice. We do not advise you to stop the medication or change the dosage of medication without your Doctors’ advice. We are not a doctor or promoting doctors. We are not responsible for any side effects, reactions in your body directly or indirectly any other monetary or non-monetary losses incurred in using/trying the articles, videos, tips from this site. இந்தத் தளத்தில் உள்ள மருத்துவக் குறிப்புகள்,கட்டுரைகள், காணொலிகள் நோயின்றி வாழவும், வருமுன் காக்கவும் , இயற்கை மருத்துவ முறைகளை தெரிந்துகொள்ள மட்டுமே. நீங்கள் நோய்க்கு மருந்து சாப்பிடுபவராக இருந்தால் உங்கள் மருந்துகளை உடனே நிறுத்துவதோ, உங்கள் மருத்துவரின் ஆலோசனையின்றி குறைப்பதையோ இந்த தளத்தில் உள்ள தகவல்களை அடிப்படையாகக் கொண்டு செய்யவேண்டாம். இந்த தளத்தில் உள்ள மருத்துவக் குறிப்புகளை பயன்படுத்தி உங்களுக்கு ஏதும் பின்விளைவு ஏற்பட்டாலோ,மருத்துவப் பிரச்சினை ஏற்பட்டாலோ அதற்கு வலைத்தமிழ் பொறுப்பில்லை.

 தொடர்புடையவை-Related Articles
மக்களைக் காக்கும் சித்த மருத்துவம் - டாக்டர். ஜெ. ஸ்ரீராம் - நிகழ்வு 16 மக்களைக் காக்கும் சித்த மருத்துவம் - டாக்டர். ஜெ. ஸ்ரீராம் - நிகழ்வு 16
நீண்ட  ஆயுள் பெற்று நோயில்லாமல் வாழ ஆசையா? நீண்ட ஆயுள் பெற்று நோயில்லாமல் வாழ ஆசையா?
மக்களைக் காக்கும் சித்த மருத்துவம் - “சித்த மருத்துவ பட்டப்படிப்பு – கலந்தாய்வு - வழிகாட்டுதல்களும் வேலைவாய்ப்பும்” மக்களைக் காக்கும் சித்த மருத்துவம் - “சித்த மருத்துவ பட்டப்படிப்பு – கலந்தாய்வு - வழிகாட்டுதல்களும் வேலைவாய்ப்பும்”
மக்களைக் காக்கும் சித்த மருத்துவம் - மருத்துவர் கே.இளவரசன் மக்களைக் காக்கும் சித்த மருத்துவம் - மருத்துவர் கே.இளவரசன்
டாக்டர் சாந்தா டாக்டர் சாந்தா
மக்களைக் காக்கும் சித்த மருத்துவம் - கலந்துரையாடல் நிகழ்ச்சி மக்களைக் காக்கும் சித்த மருத்துவம் - கலந்துரையாடல் நிகழ்ச்சி
மக்களைக் காக்கும் சித்த மருத்துவம் -  மருத்துவர் வருணகுலேந்திரன் மக்களைக் காக்கும் சித்த மருத்துவம் - மருத்துவர் வருணகுலேந்திரன்
மக்களைக் காக்கும் சித்த மருத்துவம் -  மருத்துவர் ஜே.டி.அலெக்சாண்டர் ஜேசுதாசன் மக்களைக் காக்கும் சித்த மருத்துவம் - மருத்துவர் ஜே.டி.அலெக்சாண்டர் ஜேசுதாசன்
கருத்துகள்
No Comments found.
உங்கள் கருத்துகள் பதிவு செய்ய
பெயர் *
இமெயில் *
கருத்து *

(Maximum characters: 1000)   You have characters left.
Write reCAPTCHA code *
 
இயல்பாக நீங்கள் டைப் செய்யும் எழுத்துக்கள் Space bar அழுத்தியவுடன் தமிழில் தோன்றும். உங்கள் எழுத்துக்கள் ஆங்கிலத்தில் இருக்க CTRL+G press செய்யவும்.
முக்கிய குறிப்பு:

வலைத்தமிழ் இணையதளத்தில் செய்திகளுக்கும் கட்டுரைகளுக்கும் வாசகர்கள் பதிவு செய்யும் கருத்துக்கள் தணிக்கை இன்றி உடனடியாக பிரசுரமாகும் வகையில் மென்பொருள் வடிவமைக்கப்பட்டுள்ளது. எனவே, வாசகர்களின் கருத்துக்களுக்கு வலைதமிழ் நிர்வாகமோ அல்லது அதன் ஆசிரியர் குழுவோ எந்தவிதத்திலும் பொறுப்பாக மாட்டார்கள்.  பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி வாசகர்களை கேட்டுக்கொள்கிறோம். வாசகர்கள் பதிவு செய்யும் கருத்துக்கள் தொடர்பான சட்டரீதியான நடவடிக்கைகளுக்கு வாசகர்களே முழுப்பொறுப்பு. கடுமையான கருத்துக்கள் குறித்து எங்கள் கவனத்திற்கு கொண்டு வந்தால் அவற்றை நீக்க நடவடிக்கை எடுக்கப்படும். கடுமையான கருத்துக்களை நீக்குவதற்கு info@ValaiTamil.com என்ற  இ-மெயில் முகவரிக்கு தொடர்பு கொள்ளவும்.