|
|||||
குழந்தை தொழிலாளர் முறையை ஒழிக்க விருதுநகர் மாவட்ட ஆட்சியரின் புதிய முயற்சி !! |
|||||
குழந்தை தொழிலாளர் முறையை ஒழிக்க அரசு பல்வேறு முயற்சிகளை மேற்கொண்டு கொண்டுவரும் நிலையில், விருதுநகர் மாவட்ட ஆட்சியர், ஒரு புதிய முயற்சி மேற்கொண்டு வருகிறார். அதாவது, குழந்தை தொழிலாளர் முறையை கட்டுப்படுத்த, பள்ளி மாணவர்கள் ஒவ்வொருவருக்கும் கடிதங்கள் அனுப்பி குழந்தை தொழிலாளர் முறை குறித்த விழிப்புணர்வை ஏற்படுத்தி வருகிறார்.
விருதுநகர் மாவட்ட ஆட்சியர் ஹரிஹரன், மாணவர்களுக்கு எழுதியுள்ள கடிதத்தில், அனைவருக்கும் இனிய புத்தாண்டு வாழ்த்துகள் என வாழ்த்துக்களை கூறி. நீங்கள் வசிக்கும் ஊரில் உங்களைப் போல் பள்ளிக்கு போகாமல், கடை, தொழிற்சாலைகளில் வேலை செய்யும் குழந்தைகள் இருக்கின்றனர். ஆடிப்பாடி மகிழ வேண்டிய வயதில், திருமணம் செய்து, குடும்ப பாரம் சுமக்கும் சூழலும் நிகழத்தான் செய்கிறது. அவர்களுக்கு, நான் புத்தாண்டு வாழ்த்துகளை கூற முடியாது. காரணம், அவர்களது வாழ்க்கை இனிமையாக இல்லாமல், கசப்பானதாக இருக்கும். நீ நினைத்தால், அவர்களின் வாழ்க்கையை இனிப்பாக்க முடியும். உன் தோழன், தோழி, குழந்தை தொழிலாளர் ஆவதையும், குழந்தை திருமணம் செய்வதையும் தடுக்க முடியும்.
உன்னுடைய ஒரு தொலைபேசி உரையாடல், எஸ்.எம்.எஸ். போதும்; உன் நண்பனின் தலை எழுத்தை மாற்றலாம். என்னை 94441 84000, ஆர்.டி.ஓ., - 94450 00444, தேசிய குழந்தை தொழிலாளர் திட்ட இயக்குனர் - 94430 11440 என்ற எண்களில் தொடர்பு கொள்ளலாம். இதுதவிர, 1098 என்ற கட்டணமில்லாத தொலைபேசியிலும் தகவல் தரலாம். தகவல் கொடுப்போர் விவரம் வெளிவராது. மீட்கப்படும் குழந்தைகளுக்கு கல்வி, விடுதி வசதி இலவசமாக தரப்படும். உன் வாழ்க்கை இனிதானது போல், உன் தோழன், தோழி வாழ்க்கையும் இனியதாக மாற்ற, நீ எனக்கு உதவ வேண்டும். இவ்வாறு, கடிதத்தில் மாவட்ட ஆட்சியர் ஹரிஹரன் கூறியிருக்கிறார்.
மாவட்ட ஆட்சியரின் இந்த கடிதத்திற்கு மாணவர்கள், பொதுமக்களிடம் நல்ல வரவேற்பு கிடைத்துள்ளது. மேலும் இது போன்ற முயற்சிகளை மற்ற மாவட்டங்களிலும் நடைமுறைப்படுத்தும் போது குழந்தை தொழிலாளர் எண்ணிக்கை வெகுவாக குறையும் என சமூக ஆர்வலர்கள் கருத்து தெரிவித்துள்ளனர். |
|||||
by Swathi on 06 Jan 2014 1 Comments | |||||
Tags: Virudhunagar District Collector District Collector Hariharan Hariharan Letter to students School Students விருதுநகர் மாவட்ட ஆட்சியர் ஹரிஹரன் | |||||
|
கருத்துகள் | |||||
|
உங்கள் கருத்துகள் பதிவு செய்ய | ||
|