எண்ணங்கள் ஆயிரம்! - இல.பிரகாசம்

உன்னைச் சுற்றி ஆயிரம் எண்ணங்கள்
உனக்கு உள்ளேயும் ஆயிரம் எண்ணங்கள்

உனக்காக காத்திருப்பதாக ஒரு எண்ணம்
நான் யாருக்காக? காத்திருக்கிறேன் என்ற
கேள்வியை கேட்கும் ஒரு எண்ணம்!

பிள்ளை பருவத்தில் ஏதும்
அறியாது விளையாட்டாய் எதையும்
எடுத்துக் கொள்வது அறியாமை என்ற
ஆரம்பப் பருவ எண்ணம்!

பருவம் அடைந்த போது துடுக்காய்
துள்ளித் திரியவேண்டும் என்கிற
இளமைக் கால எண்ணம்!

பருவம் தாண்டிய திருமண வயதில்
இளங் கன்னியின் மீதுகாதல் கொள்ளத்
தூண்டும் கண்களின் எண்ணம்!

கையில் காசு எவ்வளவு
காசுதான் வாழ்க்கையென தீர்மானம் போட்டு
காலம் முழுதும் பணத்தைத் தேடிட
வாழ்வையே வட்டிக் கடையில்
அடகுவைக்கின்ற
நடுத்தர குடிமக்கலென்னும் அடிமைகள் எண்ணம்!

வாழ்க்கையில் ஒவ்வொன்றாய் இழக்கிறபோது
வாழ்வின் அர்த்தங்கள் இதுவென்று
உணர்ந்திட முற்படுவது நாற்பதைத் தாண்டிய
நரம்பினை அடக்கிடயாள முற்படுகிற
இளங்கிழட்டு  எண்ணம்!

துன்பம் என்று வருகின்ற போது
இத்துயர வாழ்வெதற்கு? என்றெண்ணம்!

பேரின்பம் என்னும்
ஆன்மீகச் சிந்தனை தேடி
அறுபது வயதில் ஆசையடங்கிய
ஆன்மீக எண்ணம்!

- இல.பிரகாசம்.