கண்ணா லட்டு தின்ன ஆசையா படத்தின் வெற்றிக் கூட்டணி தற்போது "வாலிபராஜா" என்ற படத்தின் மூலம் மீண்டும் இணைந்துள்ளது.
முழுநீள நகைச்சுவைப்படமாக உருவாகியுள்ள இந்த படம் வரும் 24-ம்தேதி வெளியாக இருக்கிறது. சேது, சந்தானம், விடிவி கணேஷ், விஷாகா, பவர்ஸ்டார், தேவதர்ஷினி, சித்ரா லெட்சுமணன், சுப்பு பஞ்சு, ஜெயப்பிரகாஷ், நான்கடவுள் ராஜேந்திரன் மற்றும் மும்பை நடிகை நுஷ்ரத் ஆகியோர் நடித்துள்ளனர்.
இந்த படத்தை கதை, வசனம் எழுதி இயக்கியுள்ளார் சாய் கோகுல் ராம்நாத். இவர் கேவி ஆனந்திடம் உதவியாளராக பணியாற்றியவர்.
வாலிபராஜா படம் குறித்து இயக்குனர் சாய் கோகுல் ராம்நாத் கூறும்போது, இதுவரை சினிமாவில் எத்தனையோ குடும்பங்களைப் பார்த்து இருப்பார்கள். ஆனால் இப்படத்தில் வரும் ஒரு குடும்பத்தினர் வித்தியாசமாக இருப்பார்கள் அவர்களது ஒவ்வொரு செயலும் பேச்சும் சிரிக்க வைக்கும் என்கிறார். மேலும் ஒரு காட்சியில் கூட முகம் சுளிக்க வைக்காதபடி படம் இருக்கும் என்று உத்திரவாதமும் தருகிறார். இந்த படத்தில் டாக்டர் வாலிப ராஜா என்கிற முக்கிய வேடத்தில் சந்தானம் நடித்துள்ளார். சந்தானத்தின் தோற்றம் ஹாலிவுட் இயக்குநர் வுடி ஆலனை பின்பற்றி வடிவமைக்கப்பட்டுள்ளதாம். அவர் இதில் ஒரு சைக்கிரியாட்டிஸ்டாக வருகிறார். அவர் கோணத்தில் வரும் ஒரு வித்தியாசமான குடும்பம்தான் கதையின் மையம். அவர்களின் பிரச்சினையை சந்தானம் எப்படித் தீர்க்கிறார்? என்பதே படத்தின் கலக்கலான காட்சிகள்.
இந்த படம் இந்தியாவின் முதல் சைக்கோ காமெடி படம் என்பது குறிப்பிடத்தக்கது.
|