அறிமுக இயக்குனர் விஜய்சந்தர் இயக்கத்தில் சிம்பு, சந்தானம், ஹன்சிகா நடிப்பில் உருவாகியுள்ள படம் வாலு. இந்த படத்தின் ரிலீஸ் தேதி பலமுறை அறிவிக்கப்பட்டு மாற்றப்பட்டுள்ளது. இதனிடையே கடந்த மாதம் 27ம் தேதி படம் ரிலீஸ் ஆகவிருந்த நிலையில், நீதிமன்ற வழக்கு காரணமாக படத்திற்கு இடைக்கால தடை பெறப்பட்டது. இதனைத் தொடர்ந்து நீதிமன்ற வழக்கு சுமுகமாக முடிவடைந்த நிலையில் படம் நாளை கண்டிப்பாக வெளியாகும் என அறிவிக்கப்பட்டுள்ளது.
இந்நிலையில், வாலு படத்திற்கு முதல் ஆளாக, நடிகர் ரஜினிகாந்த் வாழ்த்து தெரிவித்துள்ளார். நீண்ட இழுபறிக்கு பிறகு, பட தடைகள் மற்றும் வழக்குகளை கடந்து வாலு படம் வெளியாக உள்ளது. படம் மாபெரும் வெற்றியடைய வாழ்த்துகிறேன் என ரஜினிகாந்த் தனது வாழ்த்துச் செய்தியில் கூறியுள்ளார்.
|