செல்வராகவன் இயக்கத்தில் ஆர்யா, அனுஷ்கா நடித்திருக்கும் படம் தான் இரண்டாம் உலகம். இந்த படத்தின் பாடல்களுக்கு மட்டும் ஹாரிஸ் ஜெயராஜ் இசையமைக்க, பின்னணி இசையை அனிருத் அமைத்துள்ளார். கிட்டத்தட்ட இரண்டு ஆண்டுகளாக தயாரிப்பில் இருந்து வரும் இந்த படம், கற்பனை உலகைச் சித்தரிக்கும் வித்தியாசமான கதை அம்சத்துடன் இருக்கும் என எதிர்பார்க்கப்படுகிறது. இந்த படம் வரும் 22-ம் தேதி உலகமெங்கும் வெளியாகிறது. இந்நிலையில், சான்றிதழ் பெறுவதற்காக தணிக்கை துறையினருக்கு இப்படம் திரையிட்டு காண்பிக்கப்பட்டது. படத்தைப் பார்த்த தணிக்கை குழுவினர் இப்படத்திற்கு ‘யு‘ சான்றிதழ் வழங்கியுள்ளனர். மேலும், வித்தியாசமான கதைக் களத்துடன் படத்தை எடுத்துள்ள படக்குழுவினரையும் பாராட்டியுள்ளனர். செல்வராகவனின் படம் யு சான்று பெறுவது இதுவே முதல்முறை என்பது குறிப்பிடத்தக்கது.
|
