லிங்குசாமி தயாரிப்பில், ரமேஷ் அரவிந்த் இயக்கத்தில் கமல், கே.பாலச்சந்தர், ஊர்வசி, பூஜா குமார், ஆண்ட்ரியா, ஜெய்ராம், பார்வதி நாயர் உள்ளிட்ட பலர் நடிப்பில் உருவாக்கி வரும் படம் உத்தம வில்லன்.
இந்த படத்திற்கு ஜிப்ரான் இசை அமைக்கிறார். படத்தின் படபிடிப்புகள் அனைத்தும் முடிவடைந்து தற்போது இறுதி கட்ட பணிகள் நடைபெற்றுக் கொண்டிருக்கிறது. முதலில் படத்தை கடந்த செப்டம்பரிலேயே வெளியிடுவதாக அறிவிப்புகள் வெளியாகின.
ஆனால் கிராபிக்ஸ், சவுண்ட் எபெக்ட் உள்ளிட்ட பணிகளுக்கு கால அவகாசம் தேவைப்பட்டதால் படத்தின் ரிலீஸ் தேதி தள்ளி வைக்கப்பட்டது. பின் இடையில் ஓரிரு தேதிகள் அறிவிக்கப்பட்டு அதுவும் மாற்றப்பட்டது.
பின்னர் படத்தை பிப்ரவரி மாதத்தில் வெளியிட முடிவு செய்தனர். இதே மாதத்தில் தற்போது தனுஷின் அனேகன், ஷமிதாப், மற்றும் இப்போது என்னை அறிந்தால், கொம்பன், காக்கி சட்டை என வரிசையில் ரிலீஸ்க்கு காத்திருக்கின்றன. இதன் காரணமாக லிங்குசாமியிடம் கமல் படத்தின் ரிலீஸை தள்ளிபோடும்படி சொல்லிவிட்டாராம். காரணம் பிப்ரவரி மாதம் உலகக் கோப்பை கிரிக்கெட் போட்டி வேறு துவங்கவிருக்கிறது. எனவே, உத்தம வில்லன் படத்தை கோடை விடுமுறையில் ஏப்ரல் மாதம் துவக்கத்தில் ரிலீஸ் செய்ய திட்டமிட்டுள்ளதாக தகவல்கள் வெளியாகியுள்ளன.
|