விஸ்வரூபம் 2 ரிலீஸ் தேதி பிப்ரவரி மாதத்துக்கு தள்ளி வைக்கப்பட்டுள்ளதாக செய்திகள் வெளியாகியுள்ளன.
ஆஸ்கர் ரவிச்சந்திரன் தயாரிப்பில், கமல் ஹாசன், ஆண்ட்ரியா, பூஜா குமார் நடிப்பில் உருவாகியிருக்கும் படம் தான் விஸ்வரூபம் 2. இந்த படத்திற்கு ஜிப்ரான் இசையமைத்துள்ளார்.
முன்னதாக படம் வரும் ஜனவரி 26-ம் தேதி வெளியாகும் என அறிவிக்கப்பட்டிருந்தது. ஆனால் இப்போது பிப்ரவரி மாதத்துக்கு தள்ளிப் போடப்பட்டுள்ளது. அனேகமாக பிப்ரவரி 14-ம் தேதி வெளியாகலாம் என எதிர்ப்பார்க்கப்படுகிறது. முதலில் பொங்கலன்று படத்தை வெளியிடத் திட்டமிருந்தார் கமல். ஆனால் அந்தத் தேதியில் ரஜினியின் கோச்சடையான், விஜயின் ஜில்லா, அஜீத்தின் வீரம் உள்ளிட்ட படங்கள் ரிலீசாவதாக அறிவிக்கப்பட்டதால், தியேட்டர்கள் கிடைப்பதில் சிரம நிலை ஏற்பட்டது. இதனால் பட ரிலீசை ஜனவரி 26-ம் தேதிக்கு தள்ளிப் போட்டார் கமல். இப்போது ஜனவரி 26-ம் தேதி ரஜினி படம் வெளியாகலாம் என கூறப்படுவதால். மேலும் மூன்று வாரங்கள் விஸ்வரூபம் 2 பட வெளியீட்டை கமல் தள்ளி வைத்துள்ளதாக செய்திகள் வெளியாகியுள்ளது.
|
