சூர்யா - ஹரி வெற்றிக் கூட்டணியில் அடுத்த படைப்பான சிங்கம் 3 விரைவில் உருவாக உள்ளது. சூர்யா தற்போது நடிக்கும் 24 படத்தை முடித்து விட்டு விரைவில் சிங்கம் 3 படத்தின் படபிடிப்பில் கலந்து கொள்வார் எனத் தெரிகிறது.
இந்தப்படத்தில் சூர்யாவுக்கு ஜோடியாக அனுஷ்கா மற்றும் ஸ்ருதிஹாசன் ஆகியோர் நடிக்கிறார்கள். பிரியன் ஒளிப்பதிவு செய்யவிருக்கிறார். சிங்கம், சிங்கம் 2 ஆகிய படங்களுக்கு தேவிஸ்ரீபிரசாத் இசையமைத்திருந்தார். சிங்கம் 3 படத்துக்கு அனிருத் இசையமைப்பதாகச் சொல்லப்பட்டது. ஆனால், இப்போது அதில் மாற்றம் நடந்திருக்கிறதாம். ஹாரிஸ் ஜெயராஜ் சிங்கம் 3 படத்துக்கு இசையமைக்கவிருக்கிறார் என்று சொல்லப்படுகிறது. இதற்கு முன்பாக ஹரி இயக்கத்தில் விக்ரம் நடித்த சாமி படத்துக்கு ஹாரிஸ்ஜெயராஜ் இசையமைத்திருந்தார்.
சாமி படத்திற்கு பிறகு இந்த படத்தின் மூலம் ஹரி - ஹாரிஸ்ஜெயராஜ் இணைந்திருப்பது குறிப்பிடத்தக்கது.
|