முன்பெல்லாம் இந்திப் படங்கள் தான் தமிழில் ரீமேக் செய்யப்பட்டன. ஆனால் இப்போது தமிழ்ப் படங்கள் தான் அதிகமாக இந்தியில் ரீமேக் செய்யப்படுகின்றன. இங்கு சுமாராகப் போன படம் கூட அங்கே சூப்பர் ஹிட்டாகிறது.
சமீபத்தில் அஜீத் நடித்து வெளிவந்த ஆரம்பம், வீரம் ஆகிய இரு படங்களுமே இந்தியில் ரீமேக் செய்யப்படுகின்றன. ஆரம்பம் படத்தில் அக்ஷய் குமாரும், வீரம் படத்தில் சல்மான் கானும் நடிக்கின்றனர்.
தற்போதைய நிலையில், ரமணா, துப்பாக்கி போன்ற படங்கள் ரீமேக் ஆகி வருகின்றன. அடுத்து அஜீத் நடித்த இரு படங்களை இரு பெரிய பாலிவுட் ஹீரோக்கள் ரீமேக் செய்கின்றனர். விஷ்ணுவர்தன் இயக்கிய ஆரம்பம் படத்தை அக்ஷய் குமார் தன் சொந்தப் பட நிறுவனம் மூலம் ரீமேக் செய்கிறார். அடுத்து அஜீத் நடித்து பொங்கலுக்கு வந்த வீரம் படத்தை சல்மான்கான் ரீமேக் செய்கிறார்.
|
