வணக்கம் வள்ளுவ -கவிஞர் ஈரோடு தமிழன்பன்

*நவில்தொறும் நூல்நயம்*
வெள்ளி தோறும் இணைய வழி
குறள் நூல்கள் அறிமுகத் தொடர்
நிகழ்வு-7

*நாள்: 7/04/2023 வெள்ளிக்கிழமை*
நேரம்: மாலை 6:30-07:45 மணி

*நூல்: வணக்கம் வள்ளுவ*
*நூலாசிரியர்: கவிஞர் ஈரோடு தமிழன்பன்*

திரு பல்லடம் மாணிக்கம் மற்றும் பேராசிரியர் இ சுந்தரமூர்த்தி அவர்களால் நடத்தப்பட்ட 'வள்ளுவம்' இதழில், ஈரோடு தமிழன்பன் அவர்கள் தீட்டிய, திருக்குறள் சார்ந்த கவிதைகளை உள்ளடக்கியது இந்நூல். வள்ளுவம் பற்றிய இருபது வனப்புறும் கவிதைகள் கொண்டது. ஆசிரியர் ஈரோடு தமிழன்பன் அவர்கள், "வள்ளுவம் எனக்குள் ஏற்படுத்திய அதிர்வலைகளுக்கான எதிர்வினைகளே" இக்கவிதைநூல் என்கிறார். பூம்புகார் பதிப்பகம் வெளியிட்டுள்ளது.

*நூல் அறிமுகம் செய்வார்: திரு ச கண்ணப்பன் M Tech*

வ.சுப.மாணிக்கனாரின் நூல்வழி மாணவர். திருச்சி தேசியத் தொழில் நுட்பக் கல்லூரியில் (NIT) பொறியியல் முதுகலைப் பட்டம் பெற்றவர். 15 ஆண்டுகளாக இந்திய அரசு நிறுவனத்தில் உற்பத்தி மற்றும் தரக்கட்டுப்பாட்டுத் துறையில் மேலாளராகக் கடமையாற்றுகிறார். மூதறிஞர் செம்மல் வ.சுப.மாணிக்கனாரின் நூல்கள் வாயிலாக தமிழறிவு பெற்றவர் என்று கூறுவதில் பெருமிதம் கொள்கிறார். அத்தோடு பெருஞ்சித்திரனார், பாரதியார் மற்றும் கவியரசர் கண்ணதாசன் ஆகியோர் நூல்களை விரும்பி படித்து வருபவர். திருக்குறள் மற்றும் சங்க இலக்கியப் பயிற்சியும் உடையவர்.