கவுதம் மேனன் இயக்கத்தில் அஜீத் நடித்து வரும் என்னை அறிந்தால் படத்தை தொடர்ந்து, நடிகர் அஜீத் மீண்டும் சிவா இயக்கத்தில் நடிக்க இருக்கிறார்.
முந்தைய இரண்டு படங்களையும் தயாரித்த ஏ.எம்.ரத்னமே இந்த படத்தையும் தயாரிக்கிறார். இந்த படத்தின் படபிடிப்பு அனேகமாக மார்ச்சில் துவங்கும் என எதிர்பார்க்கப்படுகிறது.
மிகப்பெரிய பட்ஜெட்டில் உருவாகும் இந்த படத்தின் சில முக்கியத்துவம் வாய்ந்த காட்சிகளை ஹாலிவுட் படங்களுக்கு இணையாக படமாக்க ஸ்கிரிப்ட் தயாரித்துக்கொண்டிருக்கிறாராம் இயக்குனர் சிவா. மேலும், என்னை அறிந்தால் படத்துக்காக இரண்டுவிதமான கெட்டப்புகளில் நடித்துள்ள அஜீத், இளவட்ட கெட்டப்புக்காக தன்னை முழுசாக மாற்றியுள்ளார். ஆனால் புதிய படத்தைப்பொறுத்தவரை இன்னும் அதிக காலஅவகாசம் எடுத்து அவரது கெட்டப்பை மாற்றிக்காட்டப்போகிறாராம்.
அதற்கு அஜீத்தும் ஓகே சொல்லி விட்டதால், எந்த மாதிரியான புதிய கோணத்துக்கு அஜீத்தை மாற்றிக்காட்டலாம் என்று தீவிர ஆலோசனை மேற்கொண்டு வரும் சிவா, இப்படத்தில் வீரம் படத்தை விட ஆக்சன் காட்சிகளை கூடுதலாக வைக்க திட்டமிட்டுள்ளாரம்.
|